தமிழகத்தில் கொரோனா வைரஸ் பாதிப்பு நாளுக்கு நாள் அதிகமாகிக் கொண்டே வருகிறது குறிப்பாக தமிழகத்தில் கொரோனாவால் பாதிக்கப்பட்டவர்களில் 50 சதவீதத்துக்கும் மேல் சென்னையில் உள்ளனர் என்பது குறிப்பிடத்தக்கது 

நேற்று வரை தமிழகத்தில் 11224 பேர்கள் கொரோனாவால் பாதிக்கப்பட்டு உள்ளனர் என்பதும் இவர்களின் 6750 பேர் சென்னையைச் சேர்ந்தவர்கள் என்பதும் குறிப்பிடத்தக்கவை. இந்த நிலையில் சென்னையில் கொரோனாவால் பாதிக்கப்பட்டவர்களின் மண்டல வாரி பட்டியலை சற்று முன் சென்னை மாநகராட்சி வெளியிட்டுள்ளது.

இந்தப் பட்டியலில் ஏற்கனவே ராயபுரத்தை அடுத்து மேலும் ஒரு மண்டலம் ஆயிரத்தை தாண்டியுள்ளது தெரிய வந்துள்ளது. சென்னையில் ராயபுரத்தில் 1185 பேர்களும் கோடம்பாக்கத்தில் 1041 பேர்களும் கொரோனாவால் பாதிக்கப்பட்டுள்ளனர். இந்த இரண்டு மண்டலங்களிலும் ஆயிரத்துக்கும் கொரோனாவால் மேற்பட்டோர் பாதிக்கப்பட்டுள்ளனர் என்பது குறிப்பிடத்தக்கது

இதனை அடுத்து திருவிக நகர் 790 பேர்களும், தேனாம்பேட்டை 746 பேர்களும் தண்டையார்பேட்டையில் 581 பேர்களும் வளசரவாக்கத்தில் 522 பேர்களும் அடையாறு பகுதியில் 367 பேர்களும் அம்பத்தூர் பகுதியில் 317 பெயர்களும் கொரோனாவால் பாதிக்கப்பட்டுள்ளனர். சென்னையில் உள்ள மண்டலங்களில் மிகக்குறைவாக ஆலந்தூரில் 80 பேர்களும், பெருங்குடி மற்றும் மணலியில் 86 பேர்களும் சோழிங்கநல்லூரில் 95 பேர்களும் மேற்பட்டோர் பாதிக்கப்பட்டுள்ளனர் என்பது குறிப்பிடத்தக்கது

Here's the zone wise breakup of Covid-19 positive cases in #Chennai.#Covid19Chennai#GCC #ChennaiCorporation pic.twitter.com/194A7fnbDg

— Greater Chennai Corporation (@chennaicorp) May 18, 2020