யோகிபாபுவின் அடுத்த பட ஃபர்ஸ்ட்லுக் ரிலீஸ்
- IndiaGlitz, [Thursday,January 03 2019]
கோலிவுட் திரையுலகின் முன்னணி காமெடி நடிகரான யோகிபாபு 'தர்மபிரபு' உள்பட ஒருசில படங்களில் முன்னணி வேடத்தில் நடித்து வருகிறார். அவ்வாறு அவர் முக்கிய வேடத்தில் நடித்து வரும் படங்களில் ஒன்று 'ஜாம்பி'
த்ரில் திரைக்கதையுடன் கூடிய பேய்ப்படமான 'ஜாம்பி' படத்தின் ஃபர்ஸ்ட்லுக்கை இன்று நடிகர் விஜய்சேதுபதி வெளியிடவுள்ளதாக ஏற்கனவே தகவல்கள் வெளிவந்த நிலையில் சற்றுமுன் விஜய்சேதுபதி தனது சமூக வலைத்தள பக்கத்தில் இந்த படத்தின் ஃபர்ஸ்ட்லுக்கை வெளியிட்டு படக்குழுவினர்களுக்கு வாழ்த்து தெரிவித்துள்ளார்.
யோகிபாபுவுடன் யாஷிகா ஆனந்த் நடிக்கும் இந்த படத்தை புவன் இயக்கவுள்ளார். பிரேம்ஜி இசையில் விஷ்ணுஸ்ரீ ஒளிப்பதிவில் கண்ணன் கலை இயக்கத்தில் இந்த படம் உருவாகி வருகிறது.