ఫుడ్ డెలివరీ ప్లాట్‌ఫాం జొమాటో వివాదం గత కొద్ది రోజులుగా దేశాన్ని కుదిపేస్తున్న విషయం తెలిసిందే. జొమాటో బాయ్‌ తనపై దాడి చేశాడంటూ బెంగళూరు యువతి రక్తమోడుతున్న వీడియోను సోషల్‌ మీడియాలో పోస్ట్‌ చేసింది. అంతటితో ఆగక అతనిపై కేసు నమోదు చేసింది. తరువాత డెలివరీ తన తప్పేం లేదంటూ తన వర్షన్ తాను వినిపించిన వీడియోను సోషల్ మీడియాలో పోస్టు చేశాడు. ఈ రెండు వీడియోలు సోషల్ మీడియాలో తెగ వైరల్ అయ్యాయి. నెటిజన్లంతా రెండు వర్గాలుగా చీలిపోయి మరీ ఎవరికి కరెక్ట్ అనిపించిన వారి తరుఫున వారు మద్దతుగా నిలిచారు. సెలబ్రిటీలు సైతం ఈ వివాదంపై స్పందించడం విశేషం.

ఇదంతా ఇప్పుడెందుకు? అంటే జొమాటో తాజాగా మరోసారి వార్తల్లో నిలిచింది. అయితే ఈ సారి సీరియస్‌గా కాదులెండి ఫన్నీగా. ఈ వివాదం ఇలా నడుస్తుండగానే ప్రస్తుతం సోషల్ మీడియాలో మీమ్స్‌, ఫన్నీ వీడియోస్‌ హల్‌చల్‌ చేస్తున్నాయి. అలాంటి వీడియో ఒకటి ఇప్పుడు నెట్టింట్లో తెగ చక్కర్లు కొడుతోంది. ఫస్ట్ యువతి వర్షన్‌కి సంబంధించి తీసుకున్నారు. తరువాత జొమాటో ఫుడ్ డెలివరీ బాయ్ వర్షన్ తీసుకుని స్ఫూఫ్ చేశారు. ఇక అక్కడి నుంచి నెటిజన్లు, సెలబ్రిటీలు అంతా ఎవరి వాదన వారు వినిపించడం అంతా ఓ వీడియో చేశారు. ఇప్పుడు ఈ వీడియో సోషల్ మీడియాలో తెగ వైరల్ అవుతోంది. ఇప్పుడు నెటిజన్లు అసలు విషయాన్ని మరిచి ఈ ఫన్నీ వీడియోకే ఎక్కువగా ఓటేస్తున్నారు.

View this post on Instagram

A post shared by Chudarshan (@chudarshan)