சின்னத்திரையில் ஒரு புதிய முயற்சி.. திரைப்படமாகும் தொலைக்காட்சி தொடர்..!
- IndiaGlitz, [Thursday,September 26 2024]
திரைப்படங்கள் போலவே, சின்னத்திரை தொடர்கள் நாளுக்கு நாள் பார்வையாளர்களின் வரவேற்பை பெற்றுக் கொண்டிருக்கிறது. மதியம் முதல் இரவு வரை தொடர்ச்சியாக தொலைக்காட்சி தொடர்கள் ஒளிபரப்பாகி வருவதும் நமக்கு தெரிந்ததே.
அதேபோல, கடந்த சில மாதங்களாக வார இறுதி நாட்களில் ஒரு மணி நேரம் தொடர்ச்சியாக தொடர்கள் ஒளிபரப்பாகி, பார்வையாளர்களின் மத்தியில் நல்ல வரவேற்பை பெற்றுக் கொண்டிருக்கின்றன.
இந்த நிலையில், ஜீ5 சேனல் புதிய முயற்சியாக இரண்டரை மணி நேர திரைப்படத்தின் மாற்றாக ஒரு தொலைக்காட்சி தொடர் ஒளிபரப்பாக திட்டமிடப்பட்டுள்ளது. ஜீ தமிழ் தொலைக்காட்சியில் தற்போது ஒளிபரப்பாகி வரும் நெஞ்சத்தை கிள்ளாதே என்ற தொடர், இரண்டரை மணிநேர தொடராக வெளிவர இருக்கிறது.
காதல், பாசம், மிரட்டல் வில்லன் போன்ற அனைத்து விதமான உணர்வுகளையும் இந்த இரண்டரை மணி நேரத்தில் வெளிப்படுத்த திட்டமிடப்பட்டுள்ளது. ஒரு திரைப்படத்தை ரசிப்பது போலவே, இந்த இரண்டரை மணி நேர தொடரையும் ரசிகர்கள் ரசிப்பார்கள் என எதிர்பார்க்கப்படுகிறது. மேலும், இது சின்னத்திரையில் ஒரு புதிய முயற்சியாக பார்க்கப்படுகிறது.