பிரபல இயக்குனர் சுசீந்திரன் தற்போது 'ஜீனியஸ்' என்ற திரைப்படத்தை இயக்கி வருகிறார். இந்த படத்தின் ஒட்டுமொத்த படப்பிடிப்பும் முடிந்த பின்னர் தற்போது இந்த படத்தின் இசையமைப்பாளர் யார்? என்பது குறித்த அறிவிப்பு வெளியாகியுள்ளது.

இந்த படத்தின் இசையமைப்பாளர் யுவன்ஷங்கர் ராஜா. இவர் ஏற்கனவே சுசீந்திரன் இயக்கிய நான் மகான் அல்ல “ , ஆதலால் காதல் செய்வீர் ஆகிய படங்களுக்கு இசையமைத்துள்ளார் என்பது குறிப்பிடத்தக்கது.

சிறப்பான கதை கொண்ட 'ஜீனியஸ்' படத்துக்கு பின்னணி இசை முக்கியம் என்பதால் இயக்குனர் சுசீந்திரன் இந்த படத்தின் படப்பிடிப்பை முழுவதுமாக முடித்துவிட்டு இசையமைப்பாளர் யுவன் ஷங்கர் ராஜாவிடம் படத்தை திரையிட்டு காண்பித்து பாடல் மற்றும் பின்னணி இசையை பெற்று வருகிறார். படத்தை முழுவதுமாக பார்த்த யுவன் படம் நன்றாக வந்துள்ளது என்று படக்குழுவினரை பாராட்டியுள்ளார்.

இந்த படத்தில் 'சூப்பர் சிங்கர் “ இறுதி சுற்றில் இடம்பிடித்த ஸ்ரீகாந்த் ஒரு பாடலை பாடியுள்ளார். இவர் பாடிய பாடல் சமீபத்தில் ஒலிப்பதிவானது.

ஜீனியஸ்' படத்தின் படப்பிடிப்பு பணிகள் நிறைவு பெற்று படத்தொகுப்பு மற்றும் ரீரெக்கார்டிங் பணிகள் வேகமாக நடைபெற்று வருகிறது. செப்டெம்பர் மாத இறுதியில் படத்தை வெளியிட படக்குழுவினர் முடிவு செய்துள்ளனர்.