'மாநாடு' படத்தின் இசையமைப்பாளர்: அதிகாரபூர்வ அறிவிப்பு
- IndiaGlitz, [Monday,January 06 2020]
சிம்பு நடிப்பில் வெங்கட்பிரபு இயக்கத்தில் உருவாக இருக்கும் ‘மாநாடு’ திரைப்படத்தின் அதிகாரப்பூர்வ அறிவிப்பு வரும் பொங்கல் தினத்தில் வெளியாகும் என தயாரிப்பாளர் சுரேஷ் காமாட்சி ஏற்கனவே அறிவித்திருந்தார் என்பது தெரிந்ததே.
மேலும் இந்த படத்தின் முதல்கட்ட படப்பிடிப்பு ஜனவரி 20ஆம் தேதி தொடங்கும் என்ற செய்தியும் வெளியாகியுள்ளது இதனை அடுத்து ‘மாநாடு’ திரைப்படம் உறுதி செய்யப்பட்டுள்ளது என்பது குறிப்பிடத்தக்கது.
இந்த நிலையில் இந்த படத்தின் இசையமைப்பாளராக யுவன் சங்கர் ராஜா ஒப்பந்தம் செய்யப்பட்டிருப்பதாக ஏற்கனவே செய்திகள் வெளிவந்தாலும் இடையில் இசையமைப்பாளர் மாற்றப்படலாம் என்ற கருத்தும் கூறப்பட்டது.
இந்த நிலையில் யுவன்சங்கர் ராஜா தனது சமூக வலைத்தளத்தில் வெங்கட் பிரபுவுடன் இணைந்து ‘மாநாடு’ படத்தில் பணியாற்ற இருப்பதை உறுதி செய்துள்ளார். இதனை அடுத்து ‘மாநாடு’ படத்தின் இசையமைப்பாளர் யுவன்சங்கர் ராஜா தான் என அதிகாரபூர்வமாக அறிவிக்கப்பட்டது என்றே நாம் வைத்துக் கொள்ளலாம்.
அரசியல் மற்றும் ஆக்சன் படமாக உருவாக இருக்கும் இந்த படம் சிம்புவுக்கு ஒரு மிகப்பெரிய வெற்றிப்படமாக அமையும் என கருதப்படுகிறது. இந்த படத்தின் படப்பிடிப்பு இம்மாத இறுதியில் தொடங்கி தொடர்ச்சியாக நடைபெற உள்ளதாகவும் வரும் ஏப்ரல் மாதத்திற்குள் அனேகமாக இந்த படத்தின் படப்பிடிப்பு முடிந்து விடும் என்றும் கூறப்படுகிறது.
#Maanaadu @vp_offl 2020 pic.twitter.com/TIu09bVcNB
— Raja yuvan (@thisisysr) January 5, 2020