ஜெயம் ரவி நடிப்பில் சக்தி செளந்தராஜன் இயக்கி வரு 'டிக் டிக் டிக்' திரைப்படம் விரைவில் ரிலீசுக்கு தயாராகவுள்ள நிலையில் இந்த படம் குறித்த முக்கிய அறிவிப்பு ஒன்றை இன்று மாலை இசையமைப்பாளர் டி.இமான் அறிவிப்பார் என்று ஏற்கனவே அறிவிக்கப்பட்டது.

இதன்படி சற்றுமுன்னர் டி.இமான் தனது சமூக வலைத்தளத்தில் இந்த அறிவிப்பினை வெளியிட்டுள்ளார். அதாவது 'டிக் டிக் டிக்' படத்தின் ஒரு பாடலை பிரபல இசையமைப்பாளர் யுவன்ஷங்கர் ராஜா பாடவுள்ளார் என்பதுதான் அந்த இன்ப அதிர்ச்சியான அறிவிப்பு

இந்தியாவின் முதல் ஸ்பேஸ் திரைப்படமான இந்த படத்தில் இடம்பெற்ற ஒரு தீம் பாடலை யுவன்ஷங்கர் ராஜாவுடன் இணைந்து பிரபல ராப் பாடகர் யோகி பி மற்றும் சுனிதா சாரதி ஆகியோர் பாடவுள்ளனர். மதன் கார்க்கி எழுதிய இந்த பாடல் சிங்கிள் பாடலாக டிசம்பர் 11ஆம் தேதி வெளியாகும் என்று டி.இமான் அறிவித்துள்ளார். இரண்டு முன்னணி இசையமைப்பாளர்கள் இணையும் இந்த பாடல் மிகப்பெரிய ஹிட்டாகும் என்று எதிர்பார்க்கப்படுகிறது.