சிம்பு படத்தின் இசையமைப்பாளர் அதிகாரபூர்வ அறிவிப்பு
- IndiaGlitz, [Saturday,June 18 2016]
சிம்பு நடித்த 'இது நம்ம ஆளு' சமீபத்தில் வெளியாகி ரசிகர்களின் வரவேற்பை பெற்றதை அடுத்து அவர் நடித்துள்ள மற்றொரு படமான 'அச்சம் என்பது மடமையடா' படத்தின் பாடல்கள் சமீபத்தில் வெளியாகி அனைத்து தரப்பினர்களையும் கவர்ந்துள்ளது.
இந்நிலையில் 'த்ரிஷா இல்லைனா நயன்தாரா' இயக்குனர் ஆதிக் ரவிச்சந்திரன் இயக்கத்தில் உருவாகவுள்ள 'அன்பானவன் அசராதவன் அடங்காதவன்' படத்தின் ஆரம்பகட்ட பணிகள் நடைபெற்று வருகிறது. இந்த படத்தின் படப்பிடிப்பு மிக விரைவில் தொடங்கவுள்ளது.
இந்நிலையில் இந்த படத்திற்கு இசையமைக்க யுவன்ஷங்கர் ராஜா தற்போது ஒப்பந்தமாகியுள்ளார். இந்த தகவலை யுவன் தனது சமூக வலைத்தளத்தில் உறுதி செய்துள்ளார் என்பது குறிப்பிடத்தக்கது.