தேசிய விருது பெற்ற படத்தை இயக்கிய சீனுராமசாமியின் 'தர்மதுரை' கடந்த ஆண்டு வெளியாகி நல்ல வரவேஎற்பை பெற்ற நிலையில் அவர் இயக்கவுள்ள அடுத்த படத்தில் உதயநிதி ஸ்டாலின் நடிக்கவுள்ளார் என்பதும், அந்த படத்தின் டைட்டில் 'கண்ணே கலைமானே' என்று அறிவிக்கப்பட்ட செய்தியையும் ஏற்கனவே பார்த்தோம்

இந்த நிலையில் இந்த படத்தின் இசையமைப்பாளர் மற்றும் பாடலாசிரியர் குறித்த தகவலை இயக்குனர் சீனுராமசாமி தன்னுடைய சமூக வலைத்தளத்தில் அறிவித்துள்ளார். இந்த படத்திற்கு யுவன்ஷங்கர் ராஜா இசையமைக்கவுள்ளதாகவும், வைரமுத்து பாடல்களை எழுதவுள்ளதாகவும் அவர் அறிவித்துள்ளார்.

மேலும் ரெட் ஜெயண்ட் மூவீஸ் தயாரிக்கும் இந்த படத்தில் உதயநிதிக்கு ஜோடியாக தமன்னா நடிக்கவுள்ளார் என்பது குறிப்பிடத்தக்கது. உதயநிதி-தமன்னா முதல்முறையாக ஜோடி சேரும் இந்த படம், 'தர்மதுரை' படம் போன்ற வரவேற்பை பெறும் என்று எதிர்பார்க்கப்படுகிறது.