ஜூனில் அதர்வாவின் போதை பாட்டு ரிலீஸ்
- IndiaGlitz, [Friday,May 20 2016]
சண்டி வீரன், ஈட்டி, கணிதன் என மூன்று தொடர் வெற்றி படங்களில் நடித்த நடிகர் அதர்வா தற்போது 'செம போதை ஆகாதா' என்ற படத்தில் நடித்து வருகிறார். இந்த படத்தின் தயாரிப்பாளரும் அவரே என்பது குறிப்பிடத்தக்கது.
அதர்வாவின் முதல் படமான' 'பாணா காத்தாடி' படத்தை இயக்கிய பத்ரி வெங்கடேஷ் இந்த படத்தை இயக்கி வருகிறார். அனைகா சோட்டி மற்றும் மிஷ்டி சக்ரவர்த்தி ஆகிய இரண்டு நாயகிகள் நடித்து வரும் இந்த படத்தில் ஜான்விஜய், கருணாகரன், எம்.எஸ்.பாஸ்கர், மனோபாலா உள்ளிட்ட பலர் நடித்துள்ளனர். இந்த படத்திற்கு யுவன்ஷங்கர் ராஜா இசையமைத்து வருகிறார்.
இந்நிலையில் இந்த படத்தின் சிங்கிள் பாடல் ஒன்றை வரும் ஜூன் மாதம் வெளியிட படக்குழுவினர் திட்டமிட்டுள்ளதாக தகவல்கள் வெளிவந்துள்ளது.