மனிதத் தலையைச் சுட்டு சாப்பிட்ட இளைஞர்– திடுக்கிட வைக்கும் பகீர் தகவல்!!!
- IndiaGlitz, [Monday,August 17 2020]
ஆந்திர மாநிலம் விசாகப்பட்டிணத்தில் உள்ள ரெல்லி பகுதியில் வசிக்கும் சுப்பிரமணியம் என்பவர் தன்னுடைய வீட்டின் அருகில் ஒரு கோணிப்பை இருப்பதை கவனித்து இருக்கிறார். அந்தப் பையை திறந்து பார்த்தபோது ஒரு மனிதத் தலை இருப்பதை பார்த்தபோது அவருக்கு அதிர்ச்சி ஏற்பட்டு இருக்கிறது. அதனால் பையை அப்படியே வைத்து விட்டு நடப்பதை கவனித்து இருக்கிறார். சிறிது நேரத்தில் அருகில் இருந்த பாழடைந்த வீட்டில் வசிக்கும் ராஜு என்ற இளைஞர் அந்தப் பையை எடுத்துச் செல்வதை ஜன்னல் வழியாக சுப்பிரமணியம் பார்த்திருக்கிறார்.
மனிதத் தலையை எடுத்துச் சென்ற ராஜு அதை அடுப்பில் வைத்து சுடுவதை சுப்பிரமணியம் தன்னுடைய வீட்டில் இருந்து கவனித்து இருக்கிறார். ராஜுவுடன் ஒரு பெண்ணும் இருந்திருக்கிறார். இதனால் கடும் அதிர்ச்சிக்கு ஆளான சுப்பிரமணியம் உடனே காவல் துறைக்கு தகவல் கொடுத்திருக்கிறார். விரைந்து வந்த போலீஸார் ராஜுவையும் அவருடன் இருந்த பெண்ணையும் கைது செய்து இருக்கின்றனர்.
கடந்த சில ஆண்டுகளுக்கு முன் ராஜுவின் தந்தை இறந்து விட்டதாகவும் பராமரிக்க ஆளில்லாததால் ராஜு கடுமையான மது போதைக்கு ஆளானதாகவும் கூறப்படுகிறது. சிறுசிறு திருட்டு விவகாரங்களில் சம்பந்தப்பட்ட ராஜு மனிதத் தலையை மயானத்தில் இருந்து எடுத்து வந்தாரா அல்லது யாரையாவது கொலை செய்து விட்டாரா என்ற கோணத்தில் தற்போது போலீஸார் விசாரணை நடத்தி வருகின்றனர் என்பதும் குறிப்பிடத்தக்கது.