காய்கறி வாங்க சென்ற இளைஞர் மனைவியுடன் வந்ததால் அதிர்ச்சி அடைந்த அம்மா!
- IndiaGlitz, [Thursday,April 30 2020]
காய்கறி வாங்கி விட்டு வருகிறேன் என்று அம்மாவிடம் சொல்லிவிட்டு மார்க்கெட் சென்ற இளைஞர் திரும்பி வரும்போது மனைவியுடன் வந்ததால் பெரும் பரபரப்பு ஏற்பட்டுள்ளது.
உத்தரப் பிரதேசத்தை சேர்ந்த ஒரு இளைஞர் சமீபத்தில் காய்கறி வாங்குவதற்காக தனது அம்மாவிடம் சொல்லிவிட்டு கடைக்கு சென்றார். அப்போது அவர் சிறிது நேரம் கழித்து திரும்பி வந்தபோது ஒரு பெண்ணுடன் வந்தார். இதனால் அதிர்ச்சி அடைந்த அவரது தாயார் இந்தப் பெண் யார் என்று கேட்டபோது அவள் என் மனைவி என்றும் எங்களுக்கு திருமணமாகி விட்டதால் நாங்கள் இப்போது புதுமண தம்பதி என்றும் கூறியதால் அவரது அம்மா அதிர்ச்சி அடைந்தார்.
இதனை அடுத்து ஆத்திரம் தாங்க முடியாமல் அந்த இளைஞரின் அம்மா, காவல்துறையில் புகார் அளித்தார். கடைக்கு போய்விட்டு வருகிறேன் என்று கூறி விட்டு சென்ற எனது மகன் மனைவியுடன் வந்திருப்பதாக புகார் கொடுத்தார். இதனையடுத்து போலீசார் அந்த இளைஞனிடம் விசாரித்தபோது காய்கறி வாங்கச் சென்ற இடத்தில் இந்த பெண்ணை பார்த்தவுடன் பிடித்து விட்டதாகவும் உடனே திருமணம் செய்து கொண்டதாகவும் தங்களுக்கு ஒரு புரோகிதர் திருமணம் செய்து வைத்ததாகவும் கூறியுள்ளார். போலீசாரும் இந்த பதிலை கேட்டு அதிர்ச்சி அடைந்தனர். அவரிடம் மேலும் போலீசார் விசாரணை செய்து வருகின்றனர்.
ஊரடங்கு உத்தரவு நேரத்தில் காய்கறி வாங்கச் சென்ற இளைஞர் ஒருவர் கல்யாணம் செய்து மனைவியுடன் திரும்பி வந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.