అన్నయ్య సినిమాలో తమ్ముడు విలన్..!
- IndiaGlitz, [Thursday,November 03 2016]
అన్నయ్య సినిమాలో తమ్ముడు విలన్...అంటే ఎవ‌ర‌నుకుంటున్నారా..? అటు తమిళ్ - ఇటు తెలుగు ప్రేక్ష‌కుల‌ను ఆక‌ట్టుకుంటున్న యువ క‌థానాయ‌కుడు కార్తి. గోకుల్ దర్శకత్వంలో కార్తి న‌టించిన తాజా చిత్రం కాష్మోరా. దీపావ‌ళి కానుక‌గా రిలీజైన కాష్మోరా చిత్రం తెలుగు, త‌మిళ ప్రేక్ష‌కుల‌ను ఆక‌ట్టుకుని సక్సెస్ ఫుల్ గా ర‌న్ అవుతుంది. ఈ సంద‌ర్భంగా కార్తి మాట్లాడుతూ...అన్నయ్య కాష్మోరా సినిమాను ప్రేక్ష‌కుల‌తో క‌ల‌సి థియేట‌ర్ లో చూసారు.
ఆత‌ర్వాత ఈమ‌ధ్య కాలంలో ఇంత‌లా ఎప్పుడు న‌వ్వ‌లేదురా అన్నారు. అలాగే సెకండాఫ్ లో న‌య‌న‌తార, రాజు నాయక్ ఎపిసోడ్ ను బాగా ఎంజాయ్ చేసారు అని తెలియ‌చేసారు. విలన్ గా న‌టిస్తారా అని అడిగిన ప్ర‌శ్న‌కు కార్తి స్పందిస్తూ....పూర్తి స్ధాయి విలన్ గా న‌టించ‌ను. మా అన్నయ్య హీరోగా న‌టించిన సినిమాలో విలన్ గా చేయాలి అనుకుంటున్నాను అని చెప్పారు. మ‌రి...సూర్య హీరోగా కార్తి విలన్ గా ఎవ‌రైనా మూవీ ప్లాన్ చేస్తారేమో చూడాలి..!