'బాహుబ‌లి'తో అంత‌ర్జాతీయ స్థాయిలో గుర్తింపు తెచ్చుకున్న ప్ర‌భాస్ త‌దుప‌రి సినిమా గురించి అంద‌రూ ఆస‌క్తిగా ఎదురుచూస్తున్నారు. ప్ర‌భాస్ హీరోగా సుజిత్ ద‌ర్శ‌కత్వంలో రూపొదుతోన్న 'సాహో' ఈ ఏడాది ఆగ‌స్ట్ 15న విడుద‌ల కానుంది.

కాగా.. జిల్ ఫేమ్ రాధాకృష్ణ ద‌ర్శ‌క‌త్వంలో ప్ర‌భాస్ చేస్తున్న సినిమా జాన్‌(ప‌రిశీల‌న‌లో ఉన్న టైటిల్‌) మ‌రో వైపు చిత్రీక‌ర‌ణ‌ను జ‌రుపుకుంటుంది. ఈ సినిమా త‌ర్వాత ప్ర‌భాస్ ఎవ‌రితో సినిమా చేస్తాడ‌నే దానిపై ప‌లు వార్త‌లు విన‌పడ్డాయి.

'కె.జి.ఎఫ్‌' ద‌ర్శ‌కుడు ప్ర‌శాంత్ నీల్ ద‌ర్శ‌క‌త్వంలో ప్ర‌భాస్ సినిమా ఉంటుంద‌ని వార్త‌లు కూడా వ‌చ్చాయి. లెటెస్ట్‌గా రాజ‌మౌళి శిష్యుడు కృష్ణ చెప్పిన క‌థ న‌చ్చింద‌ని.

ఈయ‌న ద‌ర్శ‌క‌త్వంలోనే ప్ర‌భాస్ సినిమా చేస్తాడ‌ని, దీన్ని యు.వి.క్రియేష‌న్స్ నిర్మిస్తుంద‌ని వార్త‌లు వ‌స్తున్నాయి. ఇందులోనిజా నిజాలు తెలియాలంటే కొన్ని రోజులు ఆగాల్సిందే.