ఏపీ ప్రత్యేక హోదాకు యువ హీరోల మద్దతు..!
- IndiaGlitz, [Tuesday,January 24 2017]
జ‌ల్లిక‌ట్టు కోసం త‌మిళ‌నాడు యువ‌త అంతా ఎలా అయితే ఒక్క‌టై శాంతియుతంగా నిర‌స‌న తెలియ‌చేసిందో...ఆ స్పూర్తితో ఆంధ్ర‌ప్ర‌దేశ్ ప్రత్యేక హోదా కోసం ఆంధ్ర యువ‌త పోరాటం చేయాల‌ని జ‌న‌సేన పార్టీ అధినేత పవన్ కళ్యాణ్ పిలుపు ఇచ్చారు. దీంతో ఈనెల 26న ఆంధ్ర‌ప్ర‌దేశ్ యువ‌త వైజాగ్ ఆర్కే బీచ్ లో ప్రత్యేక హోదా కోసం నిర‌స‌న తెలియ‌చేసేందుకు రెడీ అవుతున్నారు.
దీంతో తెలుగు సినీ ప‌రిశ్ర‌మ‌లో యువ హీరోలు సాయిధ‌ర‌మ్ తేజ్, వ‌రుణ్ తేజ్, సందీప్ కిష‌న్, సంపూర్ణేష్ బాబు, శివ బాలాజీ, నిఖిల్, త‌నీష్, ర‌ఘు కుంచె, గోపీచంద్ మ‌లినేని త‌దిత‌రులు సోష‌ల్ మీడియా ద్వారా త‌మ మద్దతు తెలియ‌చేసారు. వీరంతా కూడా ప్రత్యేక హోదా కోసం తెలుగు ప్ర‌జ‌లంద‌రూ మద్దతు తెలియ‌చేయాలి..ఈనెల 26న జ‌రిగే నిర‌స‌న కార్య‌క్ర‌మంలో పాల్గొనాలి అంటూ త‌మ అభిప్రాయాన్ని తెలియ‌చేసారు.