విజయ్ దేవరకొండ విలన్ గా యంగ్ హీరో
- IndiaGlitz, [Monday,December 23 2019]
కెరీర్ స్టార్టింగ్ లో విలన్ రోల్స్ లో నటించి ఆ తరువాత హీరోలుగా స్థిరపడ్డ వారు సినీ పరిశ్రమలో చాలా మందే ఉన్నారు. అయితే యువ కథానాయకుడు కార్తికేయ మాత్రం కంప్లీట్ రివర్స్ లో ఆలోచిస్తున్నాడు. 'ఆర్ ఎక్స్ 100' లాంటి సంచలన విజయంతో కెరీర్ ఆరంభించాడు కార్తికేయ. కానీ.., తరువాత కాలంలో ఈ హీరో జోరు చూపించలేకపోయాడు. మధ్యలో నాని 'గ్యాంగ్ లీడర్' లో నెగటీవ్ రోల్ లో నటించి అందరికీ షాక్ ఇచ్చాడు. ఆ ప్రయత్నం చేదు అనుభవాన్ని పంచినా కార్తికేయ ఇప్పుడు మరోసారి విలన్ గా నటించడానికి సిద్దమయ్యాడట. సెన్సేషనల్ స్టార్ విజయ్ దేవరకొండ సినిమాలో ప్రతి కథానాయకుడి పాత్రలో మెప్పించడానికి కార్తికేయ గ్రీన్ సిగ్నల్ ఇచ్చినట్టు సమాచారం.
ప్రస్తుతం 'రౌడీ' హీరో విజయ్ 'వరల్డ్ ఫేమస్ లవర్' చిత్రంలో నటిస్తున్నాడు. ఈ సినిమా షూటింగ్ పూర్తి అయ్యాక విజయ్ దేవరకొండ పూరీ జగన్నాథ్ 'ఫైటర్' మూవీకి షిఫ్ట్ అవ్వనున్నాడు. అయితే ఈ ప్రాజెక్ట్ ని పాన్ ఇండియా లెవల్లో ప్లాన్ చేస్తున్నారన్న టాక్ బలంగా వినిపిస్తోంది. విజయ్ సినిమా కోసం ఇప్పటికే బాలీవుడ్ బిగ్ ప్రొడ్యూసర్ కరణ్ జోహార్ రంగంలోకి దిగినట్టు సమాచారం. ఇక ఫైటర్ సినిమాలో విజయ్ సరసన జూనియర్ శ్రీ జాన్వీ నటించబోతుందన్న ప్రచారం జరుగుతోంది. ఇంత ప్రెస్టేజియస్ గా తెరకెక్కుతున్న సినిమాలో విలన్ పాత్ర చేయడానికి కార్తికేయ ఆనందంగా అంగీకారం తెలిపాడట.