నిర్మాతకు చుక్కలు చూపిస్తున్నయువ హీరో
- IndiaGlitz, [Thursday,July 28 2016]
నిర్మాతకు చుక్కలు చూపిస్తున్న యువ హీరో ఎవ‌రో కాదు...నాగశౌర్య. ఇత‌ను ఏమిటి నిర్మాతకు చుక్కలు చూపించ‌డం ఏమిటి అనుకుంటున్నారా..? విష‌యం ఏమిటంటే...నాగశౌర్య గ‌తంలో నీజతలేక అనే చిత్రంలో న‌టించాడు. ఆ చిత్రం అనుకోని కార‌ణాల వ‌ల‌న ఆగిపోయింది. ఎట్టకేల‌కు ఆగ‌ష్టు 13న ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ చిత్రం ప్ర‌మోష‌న్స్ లో పాల్గొన‌డం నాగ‌శౌర్య‌కు ఏమాత్రం ఇష్టం లేదు అనిపిస్తుంది అత‌ని ప్ర‌వ‌ర్త‌న చూస్తుంటే...! నిన్న జ‌రిగిన నీజతలేక ప్రెస్ మీట్ లో ఈ సినిమా ఇప్పుడు తీసింది కాదు..నా కెరీర్ బిగినింగ్ లో తీసింది అంటూ పాత సినిమా అని అవ‌స‌రం లేక‌పోయినా ప‌దే ప‌దే చెప్పాడు.
ఇక ఈరోజు జ‌రిగిన ప్రెస్ మీట్ విష‌యానికి వ‌స్తే..అడ‌గండి చెబుతాను అన్నాడు...తీరా క‌థ గురించి అడిగినా, డైరెక్టర్ గురించి అడిగినా...నిర్మాత గురించి అడిగినా అన్నింటికీ ప‌రీక్ష‌ల్లో 1 మార్క్ క్వ‌చ్చ‌న్ & ఆన్స‌ర్ లా స‌మాధానం చెబుతున్నాడు. త‌ప్ప‌దు కాబ‌ట్టి ప్రెస్ మీట్ కి రావాలి సినిమా గురించి ఏదో మాట్లాడాలి అని ఏదో మాట్లాడాడు. ఈ హీరో గారి గురించి మరో విష‌యం ఏమిటంటే...అస‌లు ఫోనే వాడ‌డ‌ట. అత‌ను ఎవ‌రైనా సంప్ర‌దించాలంటే...త‌న మేనేజ‌ర్ ను సంప్ర‌దించండి అని చెబుతాడట. ఆ మేనేజ‌ర్ కూడా స‌రిగా స్పందించ‌డ‌ని ఫిల్మ్ న‌గ‌ర్ టాక్. ఇప్పుడిప్పుడే కెరీర్ లో ఎదుగుతున్న యువ హీరో ఇలా ఉంటే..ఇండ‌స్ట్రీలో ఎలా రాణిస్తాడు...? మ‌రి...ఈ విష‌యం ఎప్పుడు తెలుసుకుంటాడో..? త‌న ప్ర‌వ‌ర్త‌న‌లో ప‌రివ‌ర్త‌న ఎప్పుడు వ‌స్తుందో..?