ఉయ్యాలా జంపాలా మూవీతో తెలుగు తెర‌కు ప‌రిచ‌య‌మై...తొలి ప్ర‌య‌త్నంలోనే మంచి విజ‌యాన్ని సాధించిన యంగ్ హీరో రాజ్ త‌రుణ్. ఆత‌ర్వాత సినిమా చూపిస్తా మామ తో మ‌రో స‌క్సెస్ సాధించిన విష‌యం తెలిసిందే. తాజాగా రాజ్ త‌రుణ్ కుమారి 21 ఎఫ్ మూవీతో ప్రేక్ష‌కుల ముందుకు వ‌చ్చేందుకు రెడీ అవుతున్నాడు. ఇదిలా ఉంటే...రాజ్ త‌రుణ్ తో ఓ యంగ్ హీరో మూవీ ప్లాన్ చేస్తున్నాడు.

ఇంత‌కీ ఆ యంగ్ హీరో ఎవ‌ర‌నుకుంటున్నారా..? మ‌ంచు విష్ణు. పంజాబీలో విజ‌యం సాధించిన ఓ చిత్రం రీమేక్ రైట్స్ విష్ణు తీసుకున్నాడ‌ట‌. ఈ చిత్రాన్ని డైరెక్ట‌ర్ జి.నాగేశ్వ‌ర‌రెడ్డితో తెర‌కెక్కించ‌డానికి ప్లాన్ చేస్తున్నాడు. ఈ చిత్రంలో విష్ణుతో పాటు మ‌రో హీరో పాత్ర కూడా ఉంటుంద‌ట‌. ఆ పాత్ర‌కు రాజ్ త‌రుణ్ ని తీసుకున్నాడ‌ట‌. డిసెంబ‌ర్ నుంచి షూటింగ్ ప్రారంభించ‌నున్నారు. అది సంగ‌తి.