మెగాస్టార్‌ని టార్గెట్ చేసిన యువ హీరో
- IndiaGlitz, [Wednesday,July 31 2019]
మెగాస్టార్ చిరంజీవి టాలీవుడ్‌లో నెంబర్ వన్ హీరో. హీరోగా ఆయనకున్న క్రేజే వేరు. మాస్‌లో ఆయనకున్న క్రేజ్ మరో హీరోకి ఇప్పటికీ లేదంటే అతిశయోక్తి కాదు. ఆయన్ని స్ఫూర్తిగా తీసుకున్న హీరోలున్నారు. ఆయనలా మాస్ ఇమేజ్ తెచ్చుకోవాలని గట్టి ప్రయత్నాలు చేస్తున్నవారూ చాలా మంది ఉన్నారు. ఇప్పుడు వీరి లిస్టులో 'RX 100' హీరో కూడా చేరారు. రీసెంట్ ఇంటర్వ్యూలో కార్తికేయ మాట్లాడుతూ 'నటుడిగా ప్రతి సినిమాకు ఎదగాలని కోరుకుంటాను. నా ఆఖరి కోరిక మాత్రం చిరంజీవిగారిలా ఎదగడమే. నటన పరంగా స్కై ఈజ్ ద లిమిట్ అనుకుంటే.. చిరంజీవిగారే నా ఆకాశం' అంటూ కార్తికేయ నటుడిగా తను సాధించాలనుకున్న లక్ష్యాన్ని తెలియజేశారు.