ఇంట్లో ఇల్లాలు వంటింట్లో ప్రియురాలి, సాహస బాలుడు విచిత్ర కోతి.. చిత్రాల్లో బాల నటుడిగా గుర్తింపు తెచ్చుకొని వినవయ్య రామయ్య చిత్రంతో హీరోగా ఎంట్రీ ఇచ్చి ప్రేక్షకుల్ని ఆకట్టుకున్న యువ హీరో నాగ్ అన్వేష్. ప్రస్తుతం నాగ్ అన్వేష్ తన రెండో చిత్రం పనుల్లో బిజీగా ఉన్నాడు. తన మొదటి చిత్రం వినవయ్యా రామయ్యా తోనే మంచి నటుడు అనిపించుకునే ప్రయత్నం చేసిన నాగ అన్వేష్ ద్వితీయ చిత్రంతో మంచి విజ‌యాన్ని సాధించేందుకు కృషి చేస్తున్నాడు.

రెండో సినిమా కోసం దాదాపు 50 నుంచి 60 కథలు విన్నాడ‌ట‌. అయితే చివరకు ఓ స్టోరీ ఓకే చేసి దాని పై ఆరు నెలలుగా వర్క్ చేస్తున్నారని సమాచారం. పక్కా ప్లానింగ్ తో ప్రీ పొడక్షన్ వర్క్ అయ్యాకే ఈ చిత్రాన్ని సెట్స్ పైకి తీసుకువచ్చేందుకు నాగ అన్వేష్ అండ్ టీమ్ ప్లాన్ చేస్తున్నారు. ఇక ఈ చిత్రానికి డైరెక్ట‌ర్ ఎవ‌రు..? హీరోయిన్ ఎవరు..? తదితర విషయాలు త్వరలో ప్ర‌క‌టించ‌నున్నారు.