తారక్ నాప్రాణం అంటున్న యువ హీరో..!
- IndiaGlitz, [Monday,January 30 2017]
తారక్ నా ప్రాణం అంటున్న యువ హీరో ఎవ‌రో కాదు..మంచు మ‌నోజ్. ఇంత‌కీ విష‌యం ఏమిటంటే...మంచు మ‌నోజ్ న‌టించిన తాజా చిత్రం గుంటూరోడు. ఈ చిత్రానికి ప్రేమ‌లో ప‌డ్డాడు అనేది ట్యాగ్ లైన్. ఈ చిత్రంలో మ‌నోజ్ స‌ర‌స‌న ప్ర‌గ్యా జైస్వాల్ న‌టించింది. ఈ చిత్రాన్ని స‌త్య తెర‌కెక్కించారు. శ్రీవ‌సంత్ సంగీతం అందించిన గుంటూరోడు చిత్రం ఆడియో రిలీజైంది. త్వ‌ర‌లో ప్రేక్ష‌కుల ముందుకు వ‌చ్చేందుకు రెడీ అవుతున్నాడు. ఈ సంద‌ర్భంగా ఈరోజు ట్విట్ట‌ర్ లో ఫ్యాన్స్ అడిగిన ప్ర‌శ్న‌ల‌కు హీరో మ‌నోజ్ స‌మాధాన‌మిచ్చారు. తారక్ గురించి ఒక్క మాట‌లో చెప్పమని అడిగితే... నా ప్రాణం అంటూ స‌మాధానం ఇచ్చారు. అలాగే మ‌హేష్ గురించి ఒక్క మాట‌లో చెప్పమని అడిగితే త‌న‌కు అన్న అని, మెగాస్టార్ గురించి చెప్ప‌మంటే...మెగాస్టార్ ఎప్ప‌టికీ మెగాస్టారే అని చెప్పాడు మంచు మ‌నోజ్.