రవితేజ స్థానంలో కుర్ర హీరో....
- IndiaGlitz, [Tuesday,July 04 2017]
స్వామి రా రా సినిమా నుండి స‌క్సెస్ ట్రాక్ ఎక్కిన యువ క‌థానాయ‌కుడు నిఖిల్ రీసెంట్‌గా విడుద‌లైన 'కేశ‌వ' సినిమాతో మంచి క‌మ‌ర్షియ‌ల్ స‌క్సెస్‌నే అందుకున్నాడు. త్వ‌ర‌లోనే ఈ యువ హీరో ఓ తమిళ రీమేక్‌లో నటించనున్నాడట. ఇంత‌కు నిఖిల్ న‌టించ‌నున్న ఆ రీమేక్ ఏదంటే ' క‌ణిత‌న్‌'. సంతోష్ దర్శకత్వంలో అథ‌ర్వ ముర‌ళి న‌టించిన ఈ సినిమా త‌మిళంలో మంచి విజ‌యాన్నే సాధించింది.
ఈ సినిమా కాస్తా అటు ఇటు మార్చి ర‌వితేజతో తెర‌కెక్కించాల‌నే ప్ర‌య‌త్నాలు కూడా జ‌రిగాయి. కానీ ఇప్పుడు రవితేజ ప్లేస్‌లో నిఖిల్ హీరోగా నటించనున్నాడట. త్వ‌ర‌లోనే ద‌ర్శ‌క నిర్మాత‌లెవ‌రనే దానిపై క్లారిటీ వ‌చ్చేస్తుంది. మ‌రో ఆస‌క్తిక‌ర‌మైన విష‌య‌మేమంటే ప్ర‌స్తుతం నిఖిల్ హీరోగా ఎ.కె.ఎంట‌ర్‌టైన్మెంట్స్ బ్యాన‌ర్‌లో రాజు సుంద‌రం దర్శకత్వంలో చేస్తున్న సినిమా కూడా క‌న్న‌డ చిత్రం 'కిరిక్ పార్టీ'కి రీమేకే. ఇలా నిఖిల్ వ‌రస‌గా రీమేక్‌లు ఎంపిక చేసుకోవ‌డం వెనుక అర్థ‌మేంటో...