నాని మూవీలో విల‌న్ గా నటిస్తున్న యంగ్ హీరో..
- IndiaGlitz, [Wednesday,July 13 2016]
భ‌లే భ‌లే మ‌గాడివోయ్, కృష్ణ గాడి వీర ప్రేమ గాథ, జెంటిల్ మ‌న్...చిత్రాల‌తో హ్యాట్రిక్ సాధించిన యువ హీరో నాని. తాజాగా సినిమా చూపిస్త మావ డైరెక్టర్ న‌క్కిన త్రినాథ‌రావు ద‌ర్శ‌క‌త్వంలో నాని న‌టిస్తున్నాడు. ఈ చిత్రాన్ని దిల్ రాజు నిర్మిస్తున్నారు. ఈ మూవీకి నేను లోక‌ల్ అనే టైటిల్ ఖ‌రారు చేసిన‌ట్టు తెలుస్తుంది.
ఇక ఈ చిత్రంలో విల‌న్ పాత్ర కోసం హీరో న‌వీన్ చంద్ర‌ని సంప్ర‌దించార‌ట. క‌థ‌తో పాటు ప్ర‌తినాయ‌కుడు క్యారెక్ట‌ర్ న‌చ్చ‌డంతో న‌వీన్ చంద్ర విల‌న్ గా న‌టించేందుకు అంగీక‌రించ‌డాని ప్ర‌చారం జ‌రుగుతుంది. ఈ చిత్రంలో నాని స‌ర‌స‌న నేను శైల‌జ ఫేమ్ కీర్తి సురేష్ న‌టిస్తుంది. ప్ర‌స్తుతం ప్రీ ప్రొడ‌క్ష‌న్ వ‌ర్క్ జరుపుకుంటున్న ఈ చిత్రాన్ని అక్టోబ‌ర్ లో ప్రారంభించ‌నున్న‌ట్టు స‌మాచారం.