జ‌న‌సేనాని, ప‌వ‌ర్‌స్టార్ ప‌వ‌న్‌క‌ల్యాణ్ వ‌రుస సినిమాల‌ను చేసుకుంటూ వ‌స్తున్నారు. ఇప్ప‌టికే పింక్ రీమేక్‌తో పాటు.. క్రిష్ ద‌ర్శ‌క‌త్వంలో మ‌రో సినిమాను చేస్తున్న సంగ‌తి తెలిసిందే. ఇది కాకుండా..మైత్రీ మూవీ మేక‌ర్స్ బ్యాన‌ర్‌లో హ‌రీశ్ శంక‌ర్ ద‌ర్శ‌క‌త్వంలో మ‌రో సినిమాను చేయ‌బోతున్నార‌నే సంగతి కూడా తెలిసిందే. లేటెస్ట్ స‌మాచారం మేర‌కు ఓ యంగ్ డైరెక్ట‌ర్‌తో కూడా ప‌వ‌న్ సినిమా చేయ‌బోతున్నార‌ని వార్త‌లు విన‌ప‌డుతున్నాయి. ఆ యంగ్ డైరెక్ట‌ర్ ఎవ‌రో కాదు.. గౌత‌మ్ తిన్న‌నూరి. మ‌ళ్ళీరావా, జెర్సీ సినిమాల‌తో ద‌ర్శ‌కుడిగా త‌న ప్ర‌తిభ‌ను నిరూపించుకున్న గౌత‌మ్ తిన్న‌నూరి.. ఈసారి ఏకంగా ప‌వ‌న్‌క‌ల్యాణ్‌తోనే సినిమా చేయ‌బోతున్నాడ‌ని టాక్‌.

మ‌రి ఈ సినిమాను ఎవ‌రు నిర్మిస్తార‌నే దానిపై క్లారిటీ రాలేదు కానీ.. సినీ వ‌ర్గాల్లో విన‌ప‌డుతున్న స‌మాచారం మేర‌కు రామ్ తాళ్లూరి నిర్మాణంలో ఈ సినిమా రూపొందే అవకాశాలున్నాయ‌ని టాక్‌. ప‌రిమిత‌మైన స‌మ‌యంలో ప‌వ‌న్ వ‌రుస సినిమాల‌ను క‌మిట్ అవుతూ ముందుకెళ్తున్నాడు. ఇప్ప‌టికే మూడు సినిమాల‌ను లైన్‌లో పెట్టిన ఈ స్టార్ హీరో త్వ‌ర‌లోనే మ‌రో సినిమాను ట్రాక్ ఎక్కించ‌డానికి సిద్ధ‌మ‌వుతున్నాడ‌ని వార్త‌లు విన‌ప‌డుతున్నాయి.