இரண்டே படங்கள் இயக்கிய இயக்குனருக்கு வாய்ப்பு வழங்கினாரா அஜித்?
- IndiaGlitz, [Friday,August 12 2022]
ரஜினி, கமல், அஜித், விஜய் போன்ற மாஸ் நடிகர்கள் தற்போது இளம் இயக்குனர்களுக்கு வாய்ப்பு அளித்து வருகின்றனர் என்பதும் அந்த படங்கள் ஹிட்டாகி வருகின்றன என்பதையும் பார்த்து வருகிறோம். இந்த நிலையில் அஜித்தும் இரண்டே இரண்டு படங்கள் இயக்கிய இயக்குனருக்கு வாய்ப்ப் அளிக்கவுள்ளதாக செய்திகள் கசிந்துள்ளது.
கடந்த 2017ஆம் ஆண்டு தமிழில் வெளியான திரைப்படம் ’8 தோட்டாக்கள்’. சூப்பர் ஹிட் படமான இந்த படத்தை அறிமுக இயக்குனர் ஸ்ரீ கணேஷ் என்பவர் இயக்கியிருந்தார். இந்நிலையில் இவரது இயக்கத்தில் உருவான ’குருதி ஆட்டம்’ என்ற படம் சமீபத்தில் வெளியாகி சுமாரான வெற்றியை பெற்றது
இந்த நிலையில் இயக்குனர் ஸ்ரீ கணேஷ்க்கு தனது படத்தை இயக்கும் வாய்ப்பை அஜித்குமார் வழங்க இருப்பதாக கூறப்பட்டு வருகிறது. ‘8 தோட்டாக்கள்’ படம் வெளியானபோதே, ஸ்ரீ கணேஷை அழைத்து அஜித் பேச்சுவார்த்தை நடத்தியதாகவும் விரைவில் அவருடன் அஜித் இணைவார் என்று கூறப்படுகிறது
ஏற்கனவே அஜீத் படத்தை ’விக்ரம் வேதா’ இயக்குனர்கள் புஷ்பா காயத்ரி இயக்க இருப்பதாக கூறப்பட்டு வரும் நிலையில் தற்போது ஸ்ரீகணேஷ் அஜித்தின் அடுத்த பட பட்டியலில் இணைந்துள்ளார்.