ஷாருக்கான் - அட்லி படத்தில் இணைந்த மேலும் ஒரு தமிழ் பிரபலம்!
- IndiaGlitz, [Saturday,September 04 2021]
பிரபல பாலிவுட் நடிகர் ஷாருக்கான் நடிக்க இருக்கும் திரைப்படத்தை அட்லி இயக்க உள்ளார் என்பதும் இந்த படத்தின் ஆரம்பகட்ட பணிகள் தற்போது விறுவிறுப்பாக நடைபெற்று வருகிறது என்பது குறிப்பிடத்தக்கது. மேலும் இந்த படத்தின் டீசர் தயாராகி விட்டதாகவும் டீசருக்கான பின்னணி இசையை அனிருத் முடித்துவிட்டதாகவும் வெளிவந்த செய்தியைப் பார்த்தோம். இந்த படத்தில் ஏஆர் ரகுமான் பாடல்களை கம்போஸ் செய்ய உள்ளதாகவும் பின்னணி இசையை மட்டும் அனிருத் இசையமைக்க உள்ளதாகவும் தகவல்கள் வெளியானது
இந்த நிலையில் இந்த படத்தில் ஷாருக்கான் இரட்டை வேடத்தில் நடிக்க உள்ளார் என்றும் அதில் ஒரு வேடத்தில் நடிக்கும் கேரக்டருக்கு நயன்தாரா ஜோடியாக நடிக்க உள்ளார் என்றும் செய்திகள் வெளியானது. மேலும் ஒரு பிரபல நடிகை ஒருவர் இந்த படத்தில் இணைய இருப்பதாகவும் அவர் அனேகமாக பிரியாமணி ஆக இருக்கலாம் என்றும் கூறப்பட்டு வருகிறது
இந்த நிலையில் தமிழ் திரையுலகில் பிரபல நகைச்சுவை நடிகர் யோகிபாபு இந்த படத்தில் இணைய உள்ளது கிட்டத்தட்ட உறுதி செய்யப்பட்டுள்ளது. இந்த படத்தில் அவருக்கு நகைச்சுவை கேரக்டர் இல்லை என்றும் படத்தின் கதைக்கு திருப்புமுனையை ஒரு முக்கியமான கேரக்டர் என்றும் அதனால் அவரிடம் மொத்தமாக கால்ஷீட்டை அட்லி வாங்கி வைத்திருப்பதாகவும் கூறப்படுகிறது. எனவே முதன்முதலாக பாலிவுட்டுக்கு யோகிபாபு செல்ல உள்ளார் என்பது குறிப்பிடத்தக்கது.
அதுமட்டுமின்றி இந்த படத்தின் டெக்னீஷியன்கள் கிட்டத்தட்ட அனைவருமே தமிழகத்தைச் சேர்ந்தவர்கள் என்பதும் குறிப்பிடத்தக்கது.