யோகிபாபு, யாசிகா ஆனந்த் நடிப்பில் உருவாகியிருக்கும் 'ஜாம்பி' திரைப்படத்தின் படப்பிடிப்புகள் முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்பாக நடைபெற்று வரும் நிலையில் இந்த படத்தின் டீசர் சற்றுமுன் வெளியாகியுள்ளது. இந்த டீசரை நடிகர் ஜெயம் ரவி வெளியிட்டுள்ளார்.

ரத்தக்கறை கால்தடங்களுடன் ஜாம்பிகளின் நடமாட்டத்துடன் யோகிபாபு டீமின் காமெடியும் சேர்ந்து ஒரு த்ரில், காமெடி படமாக இந்த படம் அமைந்துள்ளது. கவர்ச்சி மற்றும் ஆக்சனுக்கு யாசிகா ஆனந்த் கைகொடுத்துள்ளார். 'பெரிய ரிக்சாகாரன் எம்ஜிஆரு கர்சீப் இல்லாம இருக்கா மாட்டான், 'நீங்க மட்டும் எல்லாத்தையும் பண்ணிட்டு என்னை மட்டும் கல்யாணம் பண்ண வேண்டாம்ன்னு சொல்லுவிங்களா?, போன்ற காமெடி வசனங்கள் படத்திற்கு கைகொடுக்கும் போல் தெரிகிறது

மிரட்டலான ஜாம்பிகளிடம் இருந்து யோகிபாபு, யாசிகா குழுவினர் எப்படி தப்பிக்கின்றனர் என்பதை த்ரில் மற்றும் காமெடி கலந்து இயக்குனர் புவன்நல்லான் இந்த படத்தை கொடுத்துள்ளார். பிரேம்ஜியின் இசை ஜாம்பி காட்சிகளின்போது மிரட்டுகிறது. மொத்தத்தில் மீண்டும் தமிழில் ஒரு த்ரில் காமெடி படம்