யோகி பாபு நடித்த ’யானை முகத்தான்’ என்ற திரைப்படம் தமிழ் புத்தாண்டு தினமான ஏப்ரல் 14ஆம் தேதி வெளியாகும் என அறிவிக்கப்பட்டு அதற்கான புரமோஷன் பணிகள் விறுவிறுப்பாக நடந்தது. மேலும் இந்த படத்தின் டிரைலர் சமீபத்தில் வெளியாகி நல்ல வரவேற்பை பெற்றது என்பதும் யானை முகத்தான் என்ற விநாயகர் கேரக்டரில் யோகி பாபு நடித்திருந்தார் என்பதையும் ஏற்கனவே பார்த்தோம்.

இந்த நிலையில் ஏப்ரல் 14 தினத்தில் 8 தமிழ் படங்கள் ரிலீஸ் ஆவதை அடுத்து ’யானை முகத்தான்’ படத்தின் ரிலீஸ் தேதி ஒரு வாரம் தள்ளி வைக்கப்பட்டுள்ளது. இது குறித்து வெளியான போஸ்டரில் ’எந்தவிதமான காரணமும் இல்லாமல் நாங்கள் ஒரு வாரம் இந்த படத்தின் ரிலீஸ் தேதியை தள்ளி வைத்துள்ளோம், ஏப்ரல் 21ஆம் தேதி இந்த படம் ரிலீஸ் ஆகும்’ என்றும் அறிவிக்கப்பட்டுள்ளது

ரஜிஷா மிதிலா இயக்கத்தில் உருவாகிய அந்த படத்தில் யோகி பாபு, ஊர்வசி, ரமேஷ் திலக், கருணாகரன் உள்ளிட்ட பலர் நடித்துள்ளனர். பரத் ஷங்கர் இசையில் உருவான இந்த படம் நிச்சயம் யோகி பாபு ஒரு வெற்றி படமாக இருக்கும் என்று எதிர்பார்க்கப்படுகிறது.