இன்று யோகிபாபு பிறந்தநாள் மட்டுமல்ல, இன்னொரு முக்கிய நாள்: வைரல் புகைப்படங்கள்
- IndiaGlitz, [Thursday,July 22 2021]
தமிழ் திரையுலகின் பிரபல காமெடி நடிகர் யோகிபாபு இன்று தனது பிறந்தநாளை கொண்டாடியதை அடுத்து அவருக்கு திரையுலக பிரபலங்கள், ரசிகர்கள், கிரிக்கெட் வீரர் நடராஜன் உள்பட பலர் வாழ்த்து தெரிவித்தனர் என்பது தெரிந்ததே.
இந்த நிலையில் இன்று யோகிபாபுவின் பிறந்தநாள் மட்டுமின்றி அவருக்கு இன்னொரு முக்கிய விசேஷ நாளாகவும் அமைந்துள்ளது என்பது குறிப்பிடத்தக்கது. யோகி பாபு கடந்த ஆண்டு மஞ்சுபார்கவி என்ற பெண்ணை திருமணம் செய்து கொண்ட நிலையில் அவருக்கு சில மாதங்களுக்கு முன்னர் மகன் பிறந்தார் என்ற செய்தியை ஏற்கனவே பார்த்தோம். இந்த நிலையில் இன்று அவர் தனது மகனுக்கு ’விசாகன்’ என்று பெயர் வைத்துள்ளார். யோகி பாபு மிகத் தீவிர முருக பக்தர் என்பதால் இந்த பெயரை தேர்வு செய்ததாகவும் கூறப்படுகிறது.
யோகிபாபுவின் திருமணம் மிகவும் எளிமையாக நடந்த நிலையில் கொரோனா வைரஸ் பாதிப்பு காரணமாக ஊரடங்கு பிறப்பிக்கப்பட்டதால் வரவேற்பு நிகழ்ச்சியும் திட்டமிட்டபடி நடத்த முடியவில்லை. இதனை அடுத்து அவர் மனைவியின் வளைகாப்பு நிகழ்ச்சியை பிரமாண்டமாக நடத்த திட்டமிட்டு இருந்தார். ஆனால் வரவேற்பு நிகழ்ச்சிக்கு முந்தைய நாளே அவருக்கு குழந்தை பிறந்தது.
இதனை அடுத்து குழந்தையின் பெயர் வைக்கும் நிகழ்ச்சியை இன்று அவர் தனது வீட்டில் எளிமையாக நடத்தியுள்ளார். இந்த நிகழ்ச்சியில் யோகிபாபுவின் நெருங்கிய உறவினர்கள் மற்றும் நண்பர்கள் கலந்து கொண்டனர். இது குறித்த புகைப்படங்கள் தற்போது சமூக வலைதளங்களில் வைரல் ஆகி வருகிறது குறிப்பிடத்தக்கது.