பிரபல காமெடி நடிகர் யோகிபாபு சமீபத்தி ரஜினி, அஜித், விஜய் உள்பட பல முன்னணி நட்சத்திரங்களின் படங்களில் நடித்து வருகிறார் என்பது தெரிந்ததே. இந்த நிலையில் அவர் ஒரு சில படங்களில் ஹீரோவாகவும் நடித்து வந்தார் என்பதும் அவர் ஹீரோவாக நடித்த தர்ம பிரபு உள்ளிட்ட ஒரு சில படங்கள் நல்ல வெற்றியை பெற்றது என்பதும் குறிப்பிடத்தக்கது.

இதனை அடுத்து தொடர்ந்து யோகிபாபு ஹீரோவாக நடிக்கும் படங்களும் தயாராகி வருகின்றன. அந்த வகையில் யோகி பாபு ஹீரோவாக நடிக்கும் இன்னொரு திரைப்படத்தின் அறிவிப்பு தற்போது வெளிவந்துள்ளது. பிரபல இயக்குனர் மற்றும் ஒளிப்பதிவாளர் பிஜி முத்தையா தயாரிப்பில் உருவாக இருக்கும் திரைப்படமான ’காக்டெயில்’ என்ற திரைப்படத்தில் யோகி பாபு முக்கிய வேடத்தில் நடிக்க உள்ளார்.

இந்த படத்தின் பர்ஸ்ட் லுக் போஸ்டர் தற்போது வெளியாகியுள்ளது. விஜய முருகன் இயக்கத்தில், சாய் பாஸ்கர் இசையில், நவீன் ஒளிப்பதிவில், பாசில் படத்தொகுப்பில் உருவாகும் இந்த படத்தின் டீசர் மிக விரைவில் வெளியாகும் என அறிவிக்கப்பட்டுள்ளது. இதனை அடுத்து யோகி பாபு ஹீரோவாக நடிக்கும் இன்னொரு படமும் உறுதி செய்யப்பட்டுள்ளது என்பது குறிப்பிடத்தக்கது.