தமிழ் சினிமாவின் முன்னணி காமெடி நடிகரான யோகிபாபு முக்கிய வேடத்தில் நடித்த 'தர்மபிரபு' திரைப்படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் நடைபெற்று வருகிறது. இந்த படத்தின் ரிலீஸ் தேதி விரைவில் அறிவிக்கப்படும் என எதிர்பார்க்கப்படும் நிலையில் யோகிபாபு முக்கிய வேடத்தில் நடித்து கொண்டிருந்த இன்னொரு படத்தின் படப்பிடிப்பு இன்றுடன் முடிவுக்கு வந்தது

யோகிபாபு நடிப்பில் அனுசரன் இயக்கத்தில் லைகா நிறுவனம் தயாரித்து வந்த 'பன்னிக்குட்டி' திரைப்படத்தின் படப்பிடிப்பு கடந்த பிப்ரவரி மாதம் தொடங்கிய நிலையில் நான்கே மாதத்தில் இந்த படத்தின் படப்பிடிப்பு தற்போது முடிவடைந்துள்ளது. இதனையடுத்து விரைவில் போஸ்ட் புரடொக்சன்ஸ் பணிகள் தொடங்கி இன்னும் ஒரிரு மாதங்களில் இந்த படம் ரிலீஸ் ஆகிவிடும் என்று எதிர்பார்க்கப்படுகிறது

யோகிபாபு, கருணாகரன் , சிங்கம் புலி , திண்டுக்கல் லியோனி , T.P கஜேந்திரன் , லட்சுமி ப்ரியா , ராமர் , 'பழைய ஜோக்' தங்கதுரை உள்பட பலர் நடித்துள்ள இந்த படத்திற்கு ஆண்டவன் கட்டளை , 49-0 , கிருமி ஆகிய படங்களுக்கு இசையமைத்த இசையமைப்பாளர் 'K' என்கிற கிருஷ்ணகுமார் இசையமைத்துள்ளார்.