கோலிவுட் திரையுலகின் முன்னணி காமெடி நடிகர்களில் ஒருவர் யோகிபாபு. சமீபத்தில் வெளிவந்த திரைப்படங்களில் இவர் நடிக்காத படங்களே இல்லை என்ற அளவுக்கு பிசியாக இருப்பவர். ஒரே நேரத்தில் அஜித்தின் 'விஸ்வாசம்', விஜய்யின் 'சர்கார்' உள்பட முன்னணி நடிகர்களின் படங்களில் நடித்து வரும் யோகிபாபு தற்போது சிம்புவின் அடுத்த படத்திலும் நடிக்கவுள்ளார்.

சுந்தர் சி இயக்கத்தில் சிம்பு நடிக்கவுள்ள 'Attarinktiki Karredi' என்ற படத்தின் தமிழ் ரீமேக்கில் யோகிபாபு நடிக்கவுள்ளார். சிம்பு படத்தில் யோகிபாபு இந்த படத்தில் தான் முதல்முறையாக நடிக்கவுள்ளார் என்பது குறிப்பிடத்தக்கது.

சிம்பு, கேத்ரினா தெரசா, மேகா ஆகாஷ் உள்பட பலர் நடிக்கவுள்ள இந்த படத்தை லைகா நிறுவனம் தயாரிக்கவுள்ளது. இந்த படத்தின் முதல்கட்ட படப்பிடிப்பு சமீபத்தில் வெளிநாட்டில் முடிந்த நிலையில் தற்போது ஐதராபாத்தில் அடுத்தகட்ட படப்பிடிப்பு நடந்து வருகிறது.