தளபதி விஜய் நடிப்பில் நெல்சன் இயக்கத்தில் சன் பிக்சர்ஸ் நிறுவனம் பிரம்மாண்டமாக தயாரித்து வரும் திரைப்படம் ’தளபதி 65’. இந்த படத்தின் பூஜை சமீபத்தில் நடைபெற்றது என்பதும் மூன்று நாள் படப்பிடிப்பும் நடைபெற்றது என்பதும் குறிப்பிடத்தக்கது.

இந்த படத்தில் விஜய்க்கு ஜோடியாக பூஜா ஹெக்டே நடிக்க உள்ளார் என்பதும் அனிருத் இசையமைக்க உள்ளார் என்பதும் குறிப்பிடத்தக்கது. மேலும் இந்த படத்தில் நடிக்கும் மற்ற நட்சத்திரங்களின் குறித்த தகவல்கள் அவ்வப்போது கசிந்து வருகிறது.

அந்த வகையில் சற்று முன் வெளியான தகவலின்படி யோகிபாபு இந்த படத்தில் இணைந்துள்ளதாக தகவல் வெளிவந்துள்ளது. ஏற்கனவே விஜய்யுடன் அவர் ’மெர்சல்’ ’சர்க்கார்’ மற்றும் ’பிகில்’ ஆகிய படங்களில் நடித்துள்ள நிலையில் தற்போது 4வது முறையாக இணைகிறார் என்பது குறிப்பிடத்தக்கது. ’தளபதி 65’ படத்தில் யோகிபாபு இணைந்தது குறித்த அதிகாரபூர்வ அறிவிப்பு சன்பிக்சர்ஸ் நிறுவனத்திடம் இருந்து விரைவில் வெளிவரும் என்று எதிர்பார்க்கப்படுகிறது.