யோகிபாபுவின் 'ஜாம்பி' ரிலீஸ் தேதி அறிவிப்பு!
- IndiaGlitz, [Friday,August 02 2019]
தமிழ் சினிமாவின் முன்னணி காமெடி நடிகர்களில் ஒருவராகிய யோகிபாபு, ஒரு சில படங்களில் முக்கிய வேடங்களில் நடித்து வருகிறார். அவர் முக்கிய வேடங்களில் நடித்த தர்மபிரபு' திரைப்படம் சமீபத்தில் வெளியாகிய நிலையில் தற்போது அவர் ஹீரோவாக நடித்த அடுத்த திரைப்படமான 'ஜாம்பி' திரைப்படத்தின் ரிலீஸ் தேதி அறிவிக்கப்பட்டுள்ளது
'ஜாம்பி' படம் ஆகஸ்ட் 30ஆம் தேதி வெளியாகும் என சற்றுமுன் அதிகாரபூர்வமாக அறிவிக்கப்பட்டு அது குறித்த வீடியோ ஒன்றையும் படக்குழுவினர் வெளியிட்டுள்ளனர். இதனை அடுத்து இந்தப் படம் ஆகஸ்ட் 30-ஆம் தேதி ரசிகர்களை மகிழ்விக்க திரையரங்கில் வருகிறது என்பது உறுதி செய்யப்பட்டுள்ளது
யோகிபாபு, பிக்பாஸ் புகழ் யாஷிகா, மனோபாலா, கோபி உள்பட பலர் நடித்துள்ள இந்த படத்தை புவன்நல்லான் என்பவர் இயக்கியுள்ளார். பிரேம்ஜி அமரன் இசையில் உருவாகியுள்ள இந்த இந்த படத்தின் டீசர் சமீபத்தில் வெளியாகி நல்ல வரவேற்பை பெற்றது என்பது குறிப்பிடத்தக்கது
சென்னை ஈசிஆர் சாலையில் உள்ள ரிசார்ட் ஒன்றில் மாட்டிக்கொள்பவர்களை யோகிபாபு எப்படி காப்பாற்றுகிறார் என்ற கதையம்சம் கொண்ட இந்த படம் ஒரே இரவில் நடப்பது போல் உருவாக்கப்பட்டுள்ளது. த்ரில், சஸ்பென்ஸ் மற்றும் காமெடிக்கு முக்கியத்துவம் கொடுக்கப்பட்ட படம் இது என படக்குழுவினர் தெரிவித்துள்ளனர்.