தமிழ் திரையுலகின் முன்னணி காமெடி நடிகர்களில் ஒருவராகிய யோகிபாபு, தற்போது ஒருசில படங்களில் முக்கிய வேடங்களிலும் நடித்து வருகிறார். அவ்வாறு அவர் முக்கிய வேடத்தில் நடித்த படங்களில் ஒன்றான 'தர்மபிரபு' திரைப்படம் இம்மாதம் 28ஆம் தேதி வெளியாகும் என அறிவிக்கப்பட்டுள்ளது.

இந்த நிலையில் யோகிபாபு முக்கிய வேடத்தில் நடித்த இன்னொரு படமான 'கூர்கா' திரைப்படமும் ஜூன் மாதம் வெளியாகும் என இந்த படத்தின் இயக்குனர் சாம் ஆண்டன் அறிவித்துள்ளார். மேலும் 'ஜூன் வெளியீடு' என்று குறிப்பிட்டுள்ள போஸ்டர் ஒன்றையும் அவர் வெளியிட்டுள்ளார்.

ஜூன் 28ல் யோகிபாபுவின் 'தர்மபிரபு வெளியாவதால் 'கூர்கா' திரைப்படம் அதற்கு முந்தைய வாரமே வெளியாகும் என எதிர்பார்க்கப்படுகிறது. எனவே அடுத்தடுத்த வாரங்களில் யோகிபாபு முக்கிய வேடத்தில் நடித்த திரைப்படங்கள் வெளியாகவுள்ளன என்பது குறிப்பிடத்தக்கது.

யோகிபாபு, ஆனந்த்ராஜ், லிவிங்ஸ்டன், பிரதீப், எலிசா உள்பட பலர் நடித்துள்ள இந்த படத்திற்கு ராஜ் ஆர்யன் இசையமைத்துள்ளார்.