கொரோனா வைரஸ் பாதிப்பு காரணமாக கடந்த இரண்டு வாரங்களாக ஊரடங்கு உத்தரவு அமலில் இருப்பதால் சினிமா தொழிலாளர்கள் முற்றிலும் வேலை இன்றி, பசியும் பட்டினியும் உள்ளனர். இதனை அடுத்து சினிமா தொழிலாளர்களான பெப்சி அமைப்பின் உறுப்பினர்களுக்கு ரஜினிகாந்த் கமல்ஹாசன் உள்பட முன்னணி நடிகர்கள் பலரும் லட்சக்கணக்கில் நிதிஉதவி செய்து வருகின்றனர்

இந்த நிலையில் தென்னிந்திய திரைப்பட நடிகர்கள் சங்கத்தின் உறுப்பினர்களாக இருக்கும் ஒரு சில நடிகர்களும் வருமானம் இன்றி இருப்பதால் அவர்களுக்கும் ஒருசில முன்னணி நடிகர்கள் உதவி செய்து வருகின்றனர். அந்த வகையில் தற்போது பிரபல நகைச்சுவை நடிகர் யோகிபாபு, நடிகர் சங்கத்தில் உள்ள நலிந்த நடிகர்களுக்காக 1250 கிலோ அரிசி கொடுத்து உதவி செய்துள்ளார்

நடிகர் சங்கத்தில் உள்ள நூற்றுக்கணக்கான உறுப்பினர்கள் வறுமையில் வாடி இருப்பதை அறிந்து இந்த உதவியை யோகிபாபு செய்துள்ளார் என்பது குறிப்பிடத்தக்கது. இதனை அடுத்து இன்னும் ஒரு சில நடிகர்களும் நடிகர் சங்க உறுப்பினர்களாக இருக்கும் நடிகர்களுக்கு உதவி செய்ய முன்வந்துள்ளனர் என்பது குறிப்பிடத்தக்கது