ஜிவி பிரகாஷ், சரத்குமார் முதல்முறையாக இணைந்து நடித்த 'அடங்காதே' திரைப்படத்தின் பாடல்கள் மற்றும் டிரைலர் வெளியீட்டு விழா நேற்று சென்னையில் நடைபெற்றது. இந்த விழாவில் படக்குழுவினர் அனைவரும் கலந்து கொண்டனர்.

இந்த விழாவில் யோகிபாபு பேச அழைக்கப்பட்டதும் ஒருசில நிமிடங்கள் ரசிகர்களின் கரகோஷம் விண்ணை பிளந்தது. கரகோஷ ஒலி நின்றவுடன் பேச தொடங்கிய யோகிபாபு 'தனக்கு இந்த படத்தில் வாய்ப்பு கொடுத்த இயக்குனர் மற்றும் தயாரிப்பாளருக்கு நன்றி என்று கூறினார். உடனே மீண்டும் ரசிகர்களின் கரவொலி எழும்பியது. அப்போது 'இன்னும் ஒண்ணுமே பேசலை அதுக்குள்ள சிரிக்கிறீங்களே' என்று கூட்டத்தை பார்த்து யோகிபாபு கூறியதும் மீண்டும் கரவொலி எழும்பியது

நானும் ஜிவி பிரகாஷூம் அண்ணன் தம்பி போல் பழகி கொண்டிருக்கின்றோம். இந்த படத்தில் சரத்குமாருடன் இணைந்து நடிக்கும் வாய்ப்பு எனக்கு கிடைக்கவில்லை. அடுத்த படத்திலாவது அவருடன் சேர்ந்து நடிக்க வேண்டும் என்று ஆசைப்படுகிறேன். ஏனெனில் அவருடைய நடிப்பு எனக்கு ரொம்ப பிடிக்கும்' என்று யோகிபாபு கூறினார்.

முன்னதாக ஜிவி பிரகாஷ் பேசியபோது, 'இந்த படத்தில் என்னுடைய வித்தியாசமான இசையில் அமைந்த பாடல்களை கேட்கலாம், இந்த படம் ஒரு அரசியல் த்ரில்லர் படம். இந்த படத்தின் வசனங்கள் கூர்மையாக இருக்கும் என்றும் கூறினார்

ஜிவி பிரகாஷ், சுரபி, சரத்குமார், மந்த்ராபேடி, தம்பி ராமையா, யோகிபாபு உள்ளிட்ட பலர் நடித்துள்ள இந்த படத்தை சண்முகம் முத்துசாமி இயக்க, எம்.எஸ்.சரவணன் தயாரித்துள்ளார். இந்த படம் வரும் அக்டோபரில் வெளியாகும் என எதிர்பார்க்கப்படுகிறது.