பிரபல காமெடி நடிகர் யோகிபாபு அவர்கள் தற்போது கிட்டத்தட்ட அனைத்து முக்கிய நடிகர்களுடனும் நடித்து வருகிறார். அதுமட்டுமின்றி ஒருசில படங்களில் அவர் நாயகனாகவும் நடித்து வருகிறார் என்பது குறிப்பிடத்தக்கது.

இந்த நிலையில் யோகிபாபுவுக்கு திருமணம் செய்ய அவரது வீட்டினர் முடிவு செய்து அவருக்கு பொருத்தமான பெண்ணை பார்த்து வருவதாக கூறப்பட்டு வருகிறது. இந்த நிலையில் திடீரென பார்கவி என்ற பெண்ணை அவர் அடுத்த வாரம் திருமணம் செய்யவுள்ளதாக ஒருசில ஊடகங்களில் தகவல்கள் வெளிவந்தது. அதுமட்டுமின்றி திடீரென பார்கவி என்ற பெண்ணை அவர் வேண்டாம் என்று சொல்லிவிட்டு மஞ்சு என்ற பெண்ணை திருமணம் செய்ய போவதாகவும் வதந்தி பரவி வருகிறது.

இந்த நிலையில் தனுஷின் ’கர்ணன்’ படத்தின் படப்பிடிப்பு நடைபெற்று வரும் திருநெல்வேலியில் இருக்கும் யோகி பாபு, தனது சமூக வலைத்தளத்தில் கூறியபோது ’எனது திருமணம் பற்றி வந்த தகவல் அனைத்தும் தவறானவை என்றும் என் திருமண தகவலை வெகு விரைவில் நானே அறிவிப்பேன் என்றும் கூறியுள்ளார். இதனையடுத்து யோகி பாபு திருமணம் சம்பந்தமான வதந்திகளுக்கு முற்றுப்புள்ளி வைத்தாகிவிட்டது என்பது குறிப்பிடத்தக்கது.