தமிழ் திரையுலகின் முன்னணி காமெடி நடிகர்களில் ஒருவரான யோகி பாபு தற்போது கிட்டத்தட்ட ஒரே நேரத்தில் பல படங்களில் நடித்து வருகிறார். தமிழ் திரையுலகின் முன்னணி நடிகர்களின் படங்கள் அனைத்திலும் நடித்து வரும் யோகி பாபு ஒரு சில படங்களில் கதாநாயகனாக நடித்து வருகிறார் என்பது தெரிந்ததே. ஏற்கனவே அவர் கதாநாயகனாக நடித்து வெளிவந்த ஒரு சில படங்கள் நல்ல வரவேற்ப்பை பெற்றது என்பது குறிப்பிடத்தக்கது.

இந்த நிலையில் ரஜினியின் ‘கபாலி’, ‘காலா’ உள்ளிட்ட திரைப்படங்களை இயக்கிய இயக்குனர் பா ரஞ்சித் அவர்களின் நீலம் புரொடக்ஷன்ஸ் தயாரிக்கும் அடுத்த படத்தில் யோகி பாபு ஹீரோவாக நடிக்கவிருப்பதாக செய்திகள் வெளிவந்துள்ளது. இந்த படத்தின் ஆரம்ப கட்ட பேச்சுவார்த்தை நடைபெற்று வருவதாகவும் விரைவில் இந்த படம் குறித்த அதிகாரப்பூர்வ அறிவிப்பு வெளிவரும் என்றும் கூறப்படுகிறது.

ஏற்கனவே பா ரஞ்சித்தின் நீலம் புரடொக்‌ஷன்ஸ் நிறுவனம் கதிர் நடித்த ‘பரியேறும் பெருமாள்’ என்ற திரைப்படத்தையும் தினேஷ் நடித்த ‘இரண்டாம் உலகப்போரின் கடைசி குண்டு’ என்ற திரைப்படத்தையும் தயாரித்துள்ளது என்பதும் இந்த இரண்டு திரைப்படங்களும் நல்ல வரவேற்பை பெற்றன என்பதும் குறிப்பிடத்தக்கது.