வைகைப்புயல் வடிவேலு நடித்து வந்த ’இம்சை அரசன் 24ஆம் புலிகேசி’ படம் பிரச்சனையின் காரணமாக நின்று போனதை அடுத்து அவருக்கு கோலிவுட் திரையுலகில் வேறு வாய்ப்புகள் இல்லாமல் இருந்தது.

இந்த நிலையில் ’சார்லி சாப்ளின் 2’ படத்தை அடுத்து இயக்குனர் சக்தி சிதம்பரம் இயக்கிய ’பேய்மாமா’ என்ற படத்தில் நடிக்க வடிவேலு ஒப்பந்தமானார். ஆனால் ’இம்சை அரசன்’ படத்தின் பிரச்சனை காரணமாக இந்த படத்தின் படப்பிடிப்பில் அவரால் கலந்து கொள்ள முடியாமல் இருந்தது.

இந்த நிலையில் பேய்மாமா படத்தில் வடிவேலு நடக்கவேண்டிய கேரக்டரில் யோகிபாபுவை நடிக்க வைத்து தற்போது சக்தி சிதம்பரம் அந்த படத்தை இயக்கி வருகிறார். இந்த படத்தின் படப்பிடிப்பு தற்போது குமுளி அருகே நடைபெற்று வருகிறது. இந்த படத்தில் யோகிபாபுவுடன் ரேஷ்மா, ரமேஷ் கண்ணா, இமான் அண்ணாச்சி, வையாபுரி உள்ளிட்ட பலர் நடித்து வருகின்றனர்.

சமீபத்தில் இந்த படத்தின் படப்பிடிப்பில் நடித்துக் கொண்டிருந்த போதுதான் நகைச்சுவை நடிகர் கிருஷ்ணமூர்த்தி மாரடைப்பால் காலமானார் என்பது குறிப்பிடத்தக்கது.