நடிகர் யோகிபாபு தமிழ் திரையுலகில் பிசியான நடிகர் என்பதும் காமெடி வேடங்களில் மட்டும் இன்றி அவ்வப்போது அவர் ஹீரோவாகவும் நடித்து வருகிறார் என்பதை பார்த்து வருகிறோம். அந்த வகையில் தற்போது அவர் பிரபல இசையமைப்பாளர் ஒருவரின் இயக்கத்தில் ஒரு திரைப்படத்தில் நடித்து வருவதாகவும் அந்த படத்தின் படப்பிடிப்பு விறுவிறுப்பாக நடைபெற்று வருவதாகவும் செய்திகள் வெளியாகி உள்ளன

கன்னட திரையுலகின் பிரபல இசையமைப்பாளராக இருந்து வரும் சுராக் ஒரு தமிழ் படத்தை இயக்கி வருகிறார் என்பதும் அந்த படத்தில் முக்கிய வேடத்தில் யோகி பாபு நடித்து வருகிறார் என்றும் செய்திகள் வெளியாகி உள்ளன.

இந்த படத்தின் படப்பிடிப்பு தற்போது சென்னையில் நடைபெற்று வருவதாகவும் இன்னும் டைட்டில் வைக்கப்படாத இந்த படம் தமிழில் படமாக்கப்பட்டாலும் கன்னடம் உட்பட தென்னிந்திய மொழிகளில் டப் செய்யப்படும் என்றும் கூறப்படுகிறது.

இது ஒரு காமெடி கலந்த திரில்லர் படம் என்றும், இந்த படத்தின் அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது. கடந்த ஒரு வருடத்திற்கு முன்னரே இந்த படம் குறித்து யோகி பாபுவிடம் பேசி இருந்ததாகவும் தற்போது தான் இந்த படத்தின் படப்பிடிப்பு நடைபெற்று வருவதாகவும் இசையமைப்பாளரும் இயக்குனருமான சுராக் தெரிவித்துள்ளார்.