ஜெயம் ரவியின் இயக்கத்தில் யோகிபாபு?
- IndiaGlitz, [Friday,December 21 2018]
ஜெயம் ரவி நடித்த 'அடங்கமறு' திரைப்படம் இன்று உலகம் முழுவதும் வெளியாகவுள்ள நிலையில் நேற்று அவர் ரசிகர்களின் கேள்விகளுக்கு சமூக வலைத்தளம் மூலம் பதிலளித்தார். அதில் ஒரு ரசிகர் நீங்கள் இயக்குனர் ஆனால் யாரை ஹீரோவாக நடிக்க வைப்பீர்கள் என்ற கேள்விக்கு பதிலளித்த ஜெயம் ரவி, 'நான் இயக்குனர் ஆனால் யோகிபாபுதான்' ஹீரோ என்று தெரிவித்தார். யோகிபாபு தற்போது காமெடி ரோலில் மட்டுமின்றி ஹீரோவாகவும் ஒருசில படங்களில் நடித்து வருகிறார் என்பது குறிப்பிடத்தக்கது.
மேலும் தனக்கு மிகவும் பிடித்த ஹீரோயின் சிம்ரன் என்றும், 'தனி ஒருவன் 2' திரைப்படம் அடுத்த ஆண்டு படப்பிடிப்பு தொடங்கும் என்றும், ஸ்கிரிப்ட் திருப்தியாக இருந்தால் பிற நடிகர்களின் படங்களில் வில்லனாகவும் நடிக்க தயார் என்றும், தான் நடித்த படங்களில் தனக்கு மிகவும் பிடித்த படம் 'பேராண்மை' என்றும் ரசிகர்களின் கேள்விகளுக்கு ஜெயம் ரவி பதிலளித்தார்.
மேலும் தனக்கு பிடித்த தெலுங்கு நடிகர் மகேஷ்பாபு என்றும், தமிழ் திரையுலகில் தனது நெருங்கிய நண்பர்கள் சிபி, ஜீவா மற்றும் ஆர்யா என்றும் ரசிகர்களின் கேள்விகளுக்கு ஜெயம் ரவி மேலும் பதிலளித்தார்