పెళ్లిచూపులు సినిమాతో సంచ‌ల‌న విజ‌యం సాధించి అంద‌ర్నీ ఆక‌ట్టుకున్న‌యువ క‌థానాయ‌కుడు విజ‌య్ దేవ‌ర‌కొండ‌. ప్ర‌స్తుతం విజ‌య్ ద్వార‌క, అర్జున్ రెడ్డి చిత్రాల్లో న‌టిస్తున్నారు. అర్జున్ రెడ్డి చిత్రంలో విజ‌య్ స‌ర‌స‌న జియా శ‌ర్మ న‌టిస్తుంది. ఈ అర్జున్ రెడ్డి మూవీలో అల‌నాటి క‌థానాయిక కాంచ‌న న‌టిస్తున్నారు.

ఈ చిత్రంలో కాంచ‌న క్యారెక్ట‌ర్ గురించి డైరెక్ట‌ర్ సందీప్ తెలియ‌చేస్తూ...విజ‌య్ బామ్మ క్యారెక్ట‌ర్ కోసం కాంచ‌న గారిని సంప్ర‌దించిన‌ప్పుడు ఫ‌స్ట్ ఒప్పుకోలేదు. సుదీర్ఘంగా జ‌రిగిన చ‌ర్చ‌ల త‌ర్వాత ఆమె అంగీక‌రించారు. 40 ఏళ్ల‌లో ఉన్న‌ట్టు క‌నిపిస్తూ ఇంగ్లీషు మాట్లాడే బామ్మ క్యారెక్ట‌ర్ అనుకోగానే కాంచ‌న గారే గుర్తుకువ‌చ్చారు. ఈ మూవీలో కాంచ‌న‌ గారు కీల‌క పాత్ర పోషిస్తున్నారు. రేప‌టి నుంచి కాంచ‌న గారు షూటింగ్ లో పాల్గొంటారు అని తెలిపారు. 77 ఏళ్ల కాంచ‌న 30 సంవ‌త్స‌రాల త‌ర్వాత విజ‌య్ దేవ‌ర‌కొండ సినిమాలో న‌టిస్తుండ‌డం విశేషం.