'యాత్ర' పోస్ట్ పోన్ అవుతుందా?
- IndiaGlitz, [Saturday,November 17 2018]
దివంగ‌త ముఖ్య‌మంత్రి వై.ఎస్‌.రాజ‌శేఖ‌ర్ రెడ్డి జీవిత చ‌రిత్ర ఆధారంగా రూపొందుతోన్న చిత్రం 'యాత్ర'. 70 ఎం.ఎం.ఎంట‌ర్‌టైన్మెంట్స్ బ్యాన‌ర్‌పై విజ‌య్ చిల్లా, శ‌శిదేవి రెడ్డి నిర్మిస్తున్న ఈ చిత్రానికి 'ఆనందో బ్ర‌హ్మ' ఫేమ్ మ‌హి వి.రాఘ‌వ్ దర్శకుడు. ఈ చిత్రానికి సంబంధించి పోస్ట్ ప్రొడ‌క్ష‌న్ కార్య‌క్ర‌మాలు శ‌రవేగంగా జ‌రుగుతున్నాయి.
జ‌గ‌ప‌తిబాబు, సుహాసిని, రావు ర‌మేశ్ త‌దిత‌రులు కీల‌క పాత్ర‌ధారులు. అన్ని కార్య‌క్ర‌మాల‌ను పూర్తి చేసి సినిమాను డిసెంబర్ 21న వై.ఎస్‌.జ‌గ‌న్ పుట్టిన‌రోజు సంద‌ర్భంగా విడుదల చేయ‌బోతున్నారంటూ అధికారికంగా ప్ర‌క‌ట‌న చేశారు. కాగా తాజా స‌మాచారం ప్ర‌కారం ఈ చిత్రం జ‌న‌వ‌రి చివ‌రి వారంలో విడుదల చేయాల‌నుకుంటున్నార‌ని ఫిలింన‌గ‌ర్ వ‌ర్గాల స‌మాచారం. మ‌రి దీనిపై నిర్మాణ సంస్థ ఎలా స్పందిస్తుందో చూడాలి.