ఆగష్టులో జీవీ ప్రకాష్ - యశ్వంత్ మూవీస్ 'బ్రూస్ లీ'
- IndiaGlitz, [Thursday,July 13 2017]
మ్యూజిక్ డైరెక్ట‌ర్ కం హీరో జీవీ ప్ర‌కాష్‌కుమార్‌ నటించిన తమిళ చిత్రం 'బ్రూస్‌లీ' తెలుగులో అదే పేరుతో రిలీజ్ కానుంది. ఆ మేర‌కు ఈ సినిమా అనువాద కార్య‌క్ర‌మాలు ప్రారంభ‌మ‌య్యాయని నిర్మాత తెలిపారు. యశ్వంత్ మూవీస్ పతాకంపై డి.వెంకటేష్ ఈ చిత్రాన్ని తెలుగు ప్రేక్ష‌కుల‌కు అందించనున్నారు. ఆగష్టులో ఈ సినిమా రిలీజ్ కానుంది.
ఈ సంద‌ర్భంగా నిర్మాత వెంకటేష్ మాట్లాడుతూ - ''జీవీ ప్రకాష్ నటించిన ప‌లు చిత్రాలు తెలుగులో ఇప్ప‌టికే రిలీజై చ‌క్క‌ని విజయం సాధించాయి. త‌మిళంలో జీవీ ప్రకాష్ హీరోగా తెర‌కెక్కి, ఘ‌న‌విజ‌యం సాధించిన 'బ్రూస్‌లీ' చిత్రాన్ని తెలుగులో అందిస్తున్నాం. అనువాద కార్య‌క్ర‌మాలు శ‌ర‌వేగంగా పూర్త‌వుతున్నాయి. ఆగష్టులో సినిమా రిలీజ్ చేయ‌నున్నాం'' అని తెలిపారు. ప్ర‌శాంత్ పాండిరాజ్ దర్శకత్వంలో తెర‌కెక్కిన ఈ చిత్రానికి జీ.వీ.ప్రకాష్ కుమార్ సంగీతం అందించారు. కెమెరా: పి.వి.శంక‌ర్‌, ఎడిటింగ్: ప‌్ర‌దీప్‌.ఇ.రాఘ‌వ్‌.