கோலிவுட் திரையுலகில் மட்டுமின்றி இசைத்துறை உள்பட பல துறைகளில் மீடூ பாலியல் குற்றச்சாட்டு எழுந்து வருவதால் தமிழகத்தில் பெரும் பரபரப்பு ஏற்பட்டுள்ளது.

கோலிவுட் பிரபலங்களான வைரமுத்து முதல் அர்ஜூன் வரை மீடூ குற்றச்சாட்டின் லிஸ்ட் நீண்டுகொண்டே செல்வதை அடுத்து தற்போது 'இருட்டு அறையில் முரட்டு குத்து' பட நடிகையும் பிக்பாஸ் நிகழ்ச்சியின் மூலம் பிரபலமானவருமான யாஷிகா ஆனந்தும் தான் பாலியல் ரீதியாக இயக்குனர் ஒருவரால் பாதிக்கப்பட்டுள்ளதாக தெரிவித்துள்ளார். இருப்பினும் அந்த இயக்குனர் யார்? என்பது குறித்த தகவலை யாஷிகா கூறவில்லை. மேலும் திரையுலகில் வாய்ப்பு தேடுபவர்களுக்கு பாலியல் ரீதியான துன்புறுத்தல்கள் தொடர்ந்து ஏற்பட்டு வருவதாகவும் அவர் குற்றஞ்சாட்டி உள்ளார்.

யாஷிகாவின் இந்த குற்றச்சாட்டுக்கு வழக்கம்போல் நெட்டிசன்கள் ஆதரவும் எதிர்ப்பும் கிண்டலும் மாறி மாறி செய்து வருகின்றனர்.