நடிகை யாஷிகா ஆனந்த் தனது அப்பா புகைப்படத்தை இன்ஸ்டாகிராம் பக்கத்தில் பதிவு செய்துள்ள நிலையில் அந்த புகைப்படத்தை பார்த்த ரசிகர்கள், அவர் அஜித்தை போலவே இருப்பதாக கமெண்ட்கள் பதிவு செய்து வருவது பரபரப்பு ஏற்படுத்தி உள்ளது.

நடிகை மற்றும் பிக் பாஸ் போட்டியாளர்களில் ஒருவரான யாஷிகா ஆனந்த் தனது அப்பாவின் பிறந்தநாள் குறித்த புகைப்படத்தை பதிவு செய்துள்ளார். தனது அப்பா பிறந்தநாள் குறித்து அவர் கூறிய போது ’என் வாழ்க்கையில் மிகவும் சிறந்த நபர் என் அப்பாதான், பாசிட்டிவ் எண்ணங்கள் கொண்டவர், எப்போதும் வசீகரமான தோற்றம் அவர் கண்களில் இருக்கும். ஒவ்வொரு விஷயத்தையும் நாங்கள் கேட்கும் முன்னரே எங்களுக்காக அவர் செய்து கொடுப்பார். என்னுடைய அனைத்தையும் விமர்சனம் செய்யும் முதல் நபர் அவர்தான். இந்த பிறந்தநாள் நிகழ்ச்சி என் வாழ்நாள் முழுவதும் என் மனதில் நீங்காமல் இடம்பிடித்து இருக்கும் என்று எமோஷனலாக பதிவு செய்துள்ளார்.

மேலும் தன் அப்பா பிறந்தநாள் கொண்டாட்ட வீடியோ மற்றும் குடும்பத்துடன் எடுத்த புகைப்படங்கள், யாஷிகாவின் அப்பா சுருட்டு பிடிப்பது , தலையில் கிளாசை வைத்துக்கொண்டு டான்ஸ் ஆடுவது போன்ற வீடியோக்களையும் பதிவு செய்துள்ளார்.

இந்த வீடியோவை புகைப்படத்தையும் பார்த்த ஏராளமான ரசிகர்கள், யாஷிகாவின் அப்பா அஜித் போலவே இருப்பதாக கூறியுள்ளனர். அஜித்தை போலவே அதே வெள்ளை தாடி, கருப்பு கண்ணாடி அணிந்துள்ள இந்த புகைப்படங்களை பார்த்த ரசிகர்கள் அஜித்துக்கும் யாஷிகா அப்பாவுக்கும் என்ன சம்பந்தம் போன்ற கமெண்ட்களையும் பதிவு செய்து வருகின்றனர். இந்த புகைப்படங்கள் தற்போது இணையத்தில் வைரலாகி வருகிறது.

View this post on Instagram

A post shared by Yash 🔱⭐️🌙 (@yashikaaannand)