యార్ల‌గ‌డ్డ సుమంత్ సినిమా పూర్త‌య్యింది..
- IndiaGlitz, [Wednesday,March 16 2016]
ప్రేమ‌క‌థ చిత్రంతో తెలుగు తెర‌కు ప‌రిచ‌య‌మై...తొలి చిత్రంతోనే మంచి న‌టుడు అనిపించుకున్నాడు అక్కినేని మ‌న‌వ‌డు..నాగార్జున మేన‌ల్లుడు యార్ల‌గ‌డ్డ సుమంత్. ఆత‌ర్వాత స‌త్యం, గౌరి, మ‌ధుమాసం, పౌరుడు, గోల్కండ హైస్కూల్...త‌దిత‌ర చిత్రాల్లో న‌టించి స‌క్సెస్ సాధించాడు. కానీ...అందం - అభిన‌యం రెండూ ఉన్నా, అక్కినేని కుటుంబం అండగా ఉన్నా..అభిమాన‌గ‌ణం ఉన్నా...సుమంత్ కి కాలం క‌ల‌సి రాలేదు.
ఏమో గుర్రం ఎగ‌రావ‌చ్చు సినిమా త‌ర్వాత న‌ట‌కు కాస్త గ్యాప్ ఇచ్చిన సుమంత్ తాజాగా బాలీవుడ్ లో విజయం సాధించిన విక్కీ డోన‌ర్ తెలుగు రీమేక్ లో న‌టిస్తున్నారు. ఈ చిత్రాన్ని నూత‌న ద‌ర్శ‌కుడు మ‌ల్లిక్ రామ్ తెర‌కెక్కిస్తున్నారు. సైలెంట్ గా ఈ సినిమా షూటింగ్ జ‌రుపుకుంటుది. ఈ సినిమా గురించి సుమంత్ ట్విట్ట‌ర్ లో స్పందిస్తూ...వండ‌ర్ ఫుల్ క్రూ ఆఫ్ మై ప్ర‌జెంట్ ఫిలిమ్ అంటూ త‌న సినిమా టీమ్ తో ఉన్న ఫోటోను పోస్ట్ చేసారు. దాదాపు షూటింగ్ పూర్త‌య్యింద‌ని తెలియ‌చేసారు. మ‌రి..రెండు సంవ‌త్స‌రాల గ్యాప్ త‌రువాత ప్రేక్ష‌కుల ముందుకు వ‌స్తున్న సుమంత్ ఈసారైనా స‌రైన స‌క్సెస్ సాధిస్తాడ‌ని ఆశిద్దాం.