கிருஷ்ணாவின் 'யாக்கை' சிங்கிள் டிராக் வெளியாகும் தேதி அறிவிப்பு
- IndiaGlitz, [Saturday,February 06 2016]
விஷ்ணுவர்தன் இயக்கத்தில் ஆர்யாவுடன் இரண்டாவது ஹீரோவாக நடித்த கிருஷ்ணா, தற்போது நாயகனாக விழித்திரு, யாக்கை, கிரஹனம், மற்றும் பண்டிகை ஆகிய படங்களில் நடித்து வருகிறார். இவற்றில் 'யாக்கை திரைப்படத்தின் படப்பிடிப்பு விறுவிறுப்பாக நடைபெற்று வருகிறது.
கிருஷ்ணாவுக்கு ஜோடியாக ஸ்வாதி ரெட்டி மற்றும் முக்கிய வேடம் ஒன்றில் பிரகாஷ்ராஜ் நடித்து வரும் இந்த படத்தை குழந்தை வேலப்பன் என்பவர் இயக்கி வருகிறார். இந்நிலையில் இந்த படத்தின் சிங்கிள் டிராக் ஒன்று வெளியாகும் தேதி குறித்த அறிவிப்பு வெளியாகியுள்ளது.
யுவன்ஷங்கர் ராஜா இசையில் உருவாகியுள்ள சிங்கிள் டிராக் வரும் காதலர் தினத்திற்கு முந்தைய தினமான பிப்ரவரி 13ஆம் தேதி வெளியாகவுள்ளதாக அதிகாரபூர்வமாக அறிவிக்கப்பட்டுள்ளது. சிங்கிள் டிராக் வெளியாகும் அறிவிப்புடன் கூடிய போஸ்டர் ஒன்றும் சற்று முன்னர் வெளியாகியுள்ளது என்பது குறிப்பிடத்தக்கது.
சத்யா ஒளிப்பதிவில், சாபு ஜோசப் படத்தொகுப்பில் உருவாகி வரும் இந்த படத்தை முத்துகுமாரன் என்பவர் தயாரித்து வருகிறார்.