யாக்கை, முப்பரிமாணம் சென்னை ஓப்பனிங் வசூல் நிலவரம்
- IndiaGlitz, [Monday,March 06 2017]
கடந்த வாரம் வெளியான திரைப்படங்களில் 'குற்றம் 23' படத்தின் வசூல் நம்பர் ஒன்னாக இருந்தது குறித்து சற்றுமுன்னர் பார்த்தோம். அந்த வகையில் தற்போது கடந்த வாரம் வெளியான கிருஷ்ணாவின் 'யாக்கை' மற்றும் சாந்தனுவின் 'முப்பரிமாணம்' படங்களின் சென்னை ஓப்பனிங் வசூல் குறித்து தற்போது பார்ப்போம்.
கிருஷ்ணா, சுவாதி ரெட்டி நடிப்பில் கடந்த வெள்ளியன்று ரிலீஸ் ஆன 'யாக்கை' திரைப்படம் சென்னையில் 16 திரையரங்க வளாகங்களில் 86 காட்சிகள் திரையிடப்பட்டு ரூ.12,25,810 வசூல் செய்துள்ளது. திரையரங்குகளில் 75% பார்வையாளர்கள் இருந்ததால் இந்த படம் சராசரி வசூலை பெற்றுள்ளது என்பது குறிப்பிடத்தக்கது.
அதேபோல் சாந்தனுவின் 'முப்பரிமாணம்' திரைப்படம் சென்னையில் 16 திரையரங்க வளாகங்களில் 74 காட்சிகள் திரையிடப்பட்டு ரூ.9,71,840 வசூல் செய்துள்ளது. இந்த படத்திற்கு திரையரங்குகளில் 70% பார்வையாளர்கள் நிரம்பியிருந்தனர் என்பது குறிப்பிடத்தக்கது.